|
ప్యాకప్ తప్పనట్టే..
ఇప్పటివరకు ఆడిన తొమ్మిది మ్యాచ్లల్లో శ్రేయాస్ అయ్యర్ సారథ్యంలోని ఈ జట్టు గెలిచింది ముచ్చటగా మూడే. ప్లే ఆఫ్ అవకాశాలను పోగొట్టుకున్నట్టే కనిపిస్తోంది. ఇంకో అయిదు మ్యాచ్లను ఆడాల్సి ఉందీ జట్టు. తన తదుపరి మ్యాచ్లో రాజస్థాన్ రాయల్స్ను ఢీ కొట్టనుంది. లక్నో సూపర్ జెయింట్స్తో రెండు, ముంబై ఇండియన్స్, సన్రైజర్స్ హైదరాబాద్తో ఒక్కొక్క మ్యాచ్ను ఆడుతుంది. ఆయా మ్యాచ్లన్నీ అగ్నిపరీక్షల్లాంటివే.. కీలకమైనవే.
|
పేకమేడలా బ్యాటింగ్..
ఢిల్లీ కేపిటల్స్తో మ్యాచ్ నాటికే వరుసగా నాలుగింట్లో ఓడింది కోల్కత. ఈ మ్యాచ్లోనైనా గెలవాలనే సోయి కూడా లేకుండా ఆడారు బ్యాటర్లు. బ్యాటింగ్ ఆర్డర్ మొత్తం పేకమేడలా కుప్పకూలింది. ఆరోన్ ఫించ్-3, వెంకటేష్ అయ్యర్-6, బాబా ఇంద్రజిత్-6, సునీల్ నరైన్-0, ఆండ్రీ రస్సెల్-0, టిమ్ సౌథీ-0 పరుగులు చేశారు. టాప్ ఆర్డర్లో కేప్టెన్ శ్రేయాస్ అయ్యర్ 37 బంతుల్లో 42, మిడిల్ ఆర్డర్లో నితీష్ రాణా-57, లోయర్ ఆర్డర్లో రింకూ సింగ్-23 దయ వల్ల కోల్కత ఆ మాత్రం పరుగులు చేయగలిగింది.
|
ఆడేసుకుంటున్న ఫ్యాన్స్..
ఈ ఘోర పరాజయం.. కోల్కత నైట్రైడర్స్ను మింగుడుపడట్లేదు. సోషల్ మీడియా వేదికగా చెలరేగుతున్నారు. మెమెస్ రూపంలో తమ మండిపడుతున్నారు. టోర్నమెంట్లో ముందుకు సాగలేని పరిస్థితిలో పడిందని ఆందోళన వ్యక్తం చేస్తోన్నారు. గత సీజన్లో ఫైనలిస్ట్గా నిలిచిన కోల్కత ఈ సారి అధ్వాన్నంగా ఆడుతోంది. శ్రేయాస్ అయ్యర్ వంటి టాప్ క్లాస్ బ్యాటర్ ఈ జట్టుకు నాయకత్వాన్ని వహిస్తోన్నప్పటికీ.. ఆటతీరు గాడిన పడట్లేదు.
|
యుఏఈ అయితేనే..
యునైటెడ్ అరబ్ ఎమిరేట్స్లో అయితేనే కోల్కత బాగా ఆడేలా కనిపిస్తోందంటూ మెమెస్తో సెటైర్లను సంధిస్తున్నారు అభిమానులు. ప్రైవేట్ అంతరిక్ష పరిశోధన సంస్థ స్పేస్ఎక్స్, ఎలక్ట్రికల్ వెహికల్స్ తయారీ సంస్థ టెస్లా అధినేత ఎలాన్ మస్క్ను సైతం ఇందులో ఇన్వాల్వ్ చేస్తోన్నిరు. ట్విట్టర్ తరహాలోనే ఈ అధ్వాన్నపు కోల్కత నైట్రైడర్స్ను కొనుగోలు చేయాలని సూచిస్తున్నారు. వీ అనే అక్షరంతో పేర్లు ఆరంభం అయ్యే ప్లేయర్లను తొలగించాలని కోరుతున్నారు.