వరల్డ్‌కప్‌లో టీమిండియా నమోదు చేసిన ఉత్తమ, చెత్త రికార్డులివే

వరల్డ్ కప్‌లో టీమిండియా నమోదు చేసిన అత్యుత్తమ రికార్డులు

• 1975 వరల్డ్‌కప్‌లో బిషన్‌ సింగ్‌ బేడీ బంతితో మాయ చేశాడు. ఈస్ట్ ఆఫ్రికాతో జరిగిన మ్యాచ్‌లో 12-8-6-1 గణాంకాలను నమోదు చేశాడు. బిషన్ సింగ్ బేడీ వేసిన 12 ఓవర్లలో 8 ఓవర్లు మెయిడిన్ కావడం విశేషం.
• 1983 గ్రూప్‌ దశలో వెస్టిండీస్‌పై ఓటమి ఖాయమైన వేళ.. యశ్‌పాల్‌ శర్మ 89 పరుగులతో టీమిండియాకు విజయాన్ని కట్టబెట్టాడు.
• 1983లో ఆల్‌ రౌండర్‌ కపిల్‌ దేవ్‌ 175 పరుగులతో జింబాబ్వేపై అద్భుత ప్రదర్శన చేశాడు.



చేతన్ శర్మ

వరల్డ్‌కప్‌లో హ్యాట్రిక్‌ వికెట్లు తీసిన ఏకైక భారత బౌలర్‌ చేతన్‌ శర్మ. 1987లో జరిగిన మ్యాచ్‌లో న్యూజిలాండ్‌కు చెందిన కెన్‌ రూథర్‌ఫర్డ్‌ను, ఇయాన్‌ స్మిత్‌, ఎవెన్‌ ఛాట్‌ఫ్టీల్డ్‌లను వరుస బంతుల్లో పెవిలియన్‌కు చేర్చాడు. ఈ ముగ్గురినీ చేతన్ శర్మ క్లీన్‌ బౌల్డ్‌ చేయడం విశేషం.



సిక్స్‌తో ధోని విజయం

• 2011 వరల్డ్‌కప్ ఫైనల్లో ధోని సిక్సుతో టీమిండియాకు విజయాన్ని కట్టబెట్టాడు.
• 2015లో ఓపెనర్ శిఖర్ ధావన్‌ 137 పరుగులతో సెంచరీ సాధించడంతో దక్షిణాఫ్రికాపై భారత్ విజయం సాధించింది.
• భారత్ ఆరు ప్రపంచకప్‌ల్లో ఆడిన ఏకైక ఆటగాడిగా క్రికెట్ లెజెండ్ సచిన్ టెండూల్కర్ పేరిట రికార్డు ఉంది. సచిన్‌తోపాటు ఈ ఘనత సాధించిన వారిలో పాక్ ఆటగాడు జావెద్‌ మియాందాద్‌ ఉన్నాడు.



వరల్డ్‌కప్‌లో టీమిండియా చెత్త రికార్డు

• 1975 వరల్డ్‌కప్‌లో సునీల్ గావస్కర్‌ 60 ఓవర్ల పాటు క్రీజులో ఉండి 36 పరుగులు చేశాడు. గవాస్కర్ ఈ చెత్త ఇన్నింగ్స్ గురించి క్రికెట్ అభిమానులు ఇప్పటికీ చర్చించుకుంటారు.
• 2007 వరల్డ్‌కప్‌లో బంగ్లాదేశ్‌ చేతిలో ఐదు వికెట్ల తేడాతో ఓడింది. ఈ వరల్డ్‌కప్‌లో రాహుల్ ద్రవిడ్ నాయకత్వంలోని టీమిండియా అవమానకర రీతిలో టోర్నీ నుంచి నిష్క్రమించింది.