ఇకపై బాల్ టాంపరింగ్ లెవెల్-3 తప్పిదం
తాజా నిబంధనల ప్రకారం బాల్ టాంపరింగ్ను లెవెల్-3 తప్పిదం కిందకు తీసుకొచ్చింది. గతంలో బాల్ టాంపరింగ్ను లెవెల్-2 తప్పిదంగా పరిగణించేవారు. బాల్ టాంఫరింగ్కు పాల్పడితే గరిష్ఠంగా 12 సస్పెన్షన్ పాయింట్లు విధిస్తారు. ఇది ఆరు టెస్టులు లేదా, 12 వన్డేల నిషేధానికి సమానం.
సఫారీ గడ్డపై బాల్ టాంపరింగ్కు పాల్పడిన స్మిత్, వార్నర్, బాన్క్రాప్ట్
ఈ ఏడాది మార్చిలో సఫారీ గడ్డపై ఆస్ట్రేలియా క్రికెటర్లు స్టీవ్ స్మిత్, డేవిడ్ వార్నర్, కామెరూన్ బాన్ క్రాప్ట్లు బాల్ టాంపరింగ్కు పాల్పడిన సంగతి తెలిసిందే. దీంతో క్రికెట్ ఆస్ట్రేలియా స్మిత్, డేవిడ్ వార్నర్లపై ఏడాది పాటు నిషేధం విధించగా... బాన్ క్రాప్ట్పై తొమ్మిది నెలలు నిషేధం విధించిన సంగతి తెలిసిందే.
కఠిన శిక్షలను రికమెండ్ చేసిన ఐసీసీ క్రికెట్ కమిటీ
మోసం చేయడం, వ్యక్తిగతంగా దూషించడం, అసభ్యకరంగా వ్యవహరించడం, అంపైర్ నిర్ణయానికి కట్టుబడి ఉండకపోవడం లాంటివి చేస్తే ఇకపై క్రికెటర్లకు మరింత కఠిన శిక్షలను ఐసీసీ అమలు చేయనుంది. టీమిండియా మాజీ కెప్టెన్ అనిల్ కుంబ్లే నేతృత్వంలోని ఐసీసీ క్రికెట్ కమిటీ కఠిన శిక్షలను రికమెండ్ చేసినట్లు ఐసీసీ చీఫ్ ఎగ్జిక్యూటివ్ డేవిడ్ రిచర్డ్సన్ తెలిపారు.
తమ ప్లేయర్స్ వ్యవహార తీరుకు బోర్డుదే బాధ్యత
ఇందులో వ్యక్తిగత దూషణ, బాల్ టాంపరింగ్ లాంటి ఘటనలకుగాను కఠిన శిక్షలను అమలు చేయనున్నట్లు ఆయన పేర్కొన్నారు. మరోవైపు, తమ ప్లేయర్స్ వ్యవహార తీరుకు సంబంధిత క్రికెట్ బోర్డులను కూడా బాధ్యులను చేసే నిబంధనను కూడా ఐసీసీ పరిగణలోకి తీసుకున్నట్లు ఓ ప్రకటనలో వెల్లడించింది.