9 టెస్టులు.. 26 వికెట్లు:
డేన్ పియట్ దక్షిణాఫ్రికా జట్టు తరఫున 9 టెస్టులు ఆడాడు. 26 వికెట్లు ఖాతాలో వేసుకున్నాడు. ఈ వేసవి తరువాత అమెరికాలో జరిగే మైనర్ టీ20 లీగ్లో ఆడనున్నట్లు పియట్ పేర్కొన్నాడు. మాజీ కెప్టెన్ ఫాఫ్ డుప్లెసిస్ గతంలో కోల్పాక్ ప్లేయర్గా వ్యవహరించాడు. మరిన్ని మెరుగైన అవకాశాల కోసమే దక్షిణాఫ్రికా ఆటగాళ్లు ఈ డీల్ ద్వారా విదేశాలకు వలస వెళ్తున్నట్లు విశ్లేషకులు పేర్కొంటున్నారు. 'జాతీయ జట్టుకు ఆడమని పేర్కొంటూ.. కౌంటీ క్రికెట్ లేదా ఇతర దేశాలకు వలస వెళ్లడాన్ని' కోల్పాక్ ఒప్పందం అంటారు.
సరైన అవకాశాలు ఇవ్వనందునే:
కోల్పాక్ ఒప్పందం దక్షిణాఫ్రికా క్రికెట్పై బాగానే ప్రభావం చూపింది. ఇప్పటికే చాలా మంది ప్రతిభావంతులైన దక్షిణాఫ్రికా క్రికెటర్లు ఈ ఒప్పందంపై యునైటెడ్ కింగ్డమ్కు వెళ్లారు. ఈ జాబితాలో కైల్ అబోట్, మోర్నీ మోర్కెల్, రిలీ రోసోవ్, వెర్నాన్ ఫిలాండర్ సహా అనేకమంది ఉన్నారు. తాజాగా ఈ జాబితాలో పియట్ కూడా చేరాడు. యువ, అనుభవజ్ఞులైన క్రికెటర్లకు క్రికెట్ దక్షిణాఫ్రికా బోర్డు సరైన అవకాశాలు ఇవ్వనందునే అందరూ కోల్పాక్ ఒప్పందంపై బయట దేశాలకు ఆడుతున్నారు.
అమెరికాకు వన్డే హోదా:
'అమెరికాకు గత సంవత్సరం వన్డే హోదా ఇవ్వబడింది కాబట్టి నేను జాతీయ జట్టుకు ఎంపికయ్యే అవకాశం ఉంది. నేను ఆడడానికి న్యూయార్క్, చికాగో, లాస్ ఏంజిల్స్, సీటెల్ నాలుగు నగరాలను ఎంచుకున్నాను' అని డేన్ పియట్ తెలిపాడు. తన అధికారిక ట్విట్టర్ హ్యాండిల్ నుండి ఒక ఫొటో కూడా షేర్ చేసాడు. ఫొటో చూస్తే.. ఒప్పందంపై అతడు సంతకం చేస్తున్నాడు. సాధారణంగా ఇంగ్లాండ్ జట్టులో ఆడడం కోసం చాలామంది కోల్పాక్ ఒప్పందం ద్వారా వెళతారు.