నేనెనప్పటికీ ఈ మ్యాచ్‌ను గుర్తుంచుకుంటా: గద్గత స్వరంతో థీమ్

చాలా ఇబ్బంది పడ్డా

మరోవైపు మ్యాచ్‌లో తాను చాలా ఇబ్బంది పడ్డానని వరల్డ్ నంబర్‌ వన్‌, స్పెయిన్ బుల్ రఫెల్ నాదల్‌ అన్నాడు. యూఎస్‌ ఓపెన్‌లో నాదల్‌ ఆడిన సుదీర్ఘ మ్యాచ్‌ ఇదే కావడం విశేషం. మ్యాచ్ అనంతరం నాదల్ మాట్లాడుతూ "డొమినిక్‌ థీమ్‌ను క్షమించమని అడిగా. అతనో గొప్ప ఆటగాడు. గొప్ప టైటిళ్లు గెలిచే అవకాశాలు అతడి ముంగిట ఉన్నాయి" అని నాదల్ అన్నాడు.

క్వార్టర్‌ఫైనల్ మ్యాచ్‌లో అద్భుత ప్రదర్శన

ప్రస్తుత టోర్నీలో ఎటువంటి అంచనాలు లేకుండా బరిలోకి దిగిన డొమినిక్ థీమ్‌ క్వార్టర్‌ఫైనల్ మ్యాచ్‌లో తన ప్రదర్శనతో అందరినీ ఆశ్చర్యపరచాడు. తొలి సెట్‌లో నాదల్‌కు అసలేమాత్రం అవకాశమివ్వకుండా చెలరేగి ఆడాడు. ధీమ్ జోరుని చూసిన టెన్నిస్ అభిమానులు సైతం ఆశ్చర్యం వ్యక్తం చేశారు. తొలి సెట్‌ను 6-0తో నెగ్గిన థీమ్ స్టేడియంలో ఉన్న ఫ్యాన్స్‌కు సైతం షాకిచ్చాడు.

తొలి సెట్‌ ఓడిన స్పెయిన్‌ బుల్ రఫెల్ నాదల్

ఒక్క పాయింట్‌ చేయకుండానే తొలి సెట్‌ ఓడిన స్పెయిన్‌ బుల్‌ తర్వాత సెట్లలో విజృంభించాడు. తన స్థాయికి తగ్గట్టుగా రాణించి వరుసగా రెండు సెట్లు సొంతం చేసుకున్నాడు. ఇక, నాలుగో సెట్‌లోనూ నాదల్ తన జోరుని కొనసాగించాడు. ఈ సెట్‌లో డొమినిక్ గట్టి పోటీనివ్వడంతో మ్యాచ్ టై బ్రేక్‌కు దారి తీసింది. టై బ్రేకర్‌లో నాదల్‌పై ఆధిపత్యం ప్రదర్శించి 7-4 పాయింట్లతో టై బ్రేక్‌లో నాలుగో సెట్ నెగ్గాడు.

5వ సెట్‌లోనూ ఇద్దరి మధ్య హోరాహోరీగా పోరు

దీంతో నిర్ణయాత్మక 5వ సెట్‌లోనూ ఇద్దరి మధ్య హోరాహోరీగా పోరు సాగింది. ఇద్దరూ నువ్వా నేనా అన్నట్లుగా పోటీ పడటంతో మరో సారి టై బ్రేక్‌కు దారి తీసింది. టై బ్రేక్‌లో నాదల్ తన అనుభవాన్నంతా ఉపయోగించి ఆడి ఈ మ్యాచ్‌లో విజయం సాధించాడు. సుమారు ఐదు గంటల పాటు సాగిన ఈ మ్యాచ్‌లో చివరకు నాదల్‌నే విజయం వరించింది.

సెమీస్‌లో నాదల్‌ మూడో సీడ్‌ జాన్‌ మార్టిన్‌ డెల్‌ పొట్రోతో

తలపడనున్నాడు. తాజా విజయంతో నాలుగో సారి యుఎస్‌ ఓపెన్‌ విజేతగా నిలిచేందుకు ముందంజ వేశాడు. ఈ టైటిల్‌ గెలిస్తే అతడి కెరీర్‌లో 19వ గ్రాండ్‌స్లామ్‌ వచ్చిచేరుతుంది. మరోవైపు నాదల్‌కు గట్టి పోటీనిచ్చి ఐదు గంటల పాటు పోరాడి ఓడిన డొమినిక్ థీమ్‌పై ప్రశంసల వర్షం కురుస్తోంది.

సెమీఫైనల్లోకి సెరెనా విలియమ్స్

ఇక, మహిళల సింగిల్స్‌లో ఆరు సార్లు ఛాంపియన్‌‌గా నిలిచిన సెరెనా విలియమ్స్‌ కూడా సెమీఫైనల్లోకి ప్రవేశించింది. క్వార్టర్‌లో ఎనిమిదో సీడ్‌ కరోలినా ప్లిస్కోవాను 6-4, 6-3 తేడాతో వరుస సెట్లలో ఓడించింది. ఈ యుఎస్‌ ఓపెన్‌ గ్రాండ్ స్లామ్‌ను గెలిస్తే సెరెనా ఖాతాలో 24 గ్రాండ్‌స్లామ్‌లు చేరతాయి. తద్వారా 24 గ్రాండ్ స్లామ్‌లు నెగ్గిన క్రీడాకారిణిగా చరిత్ర సృష్టిస్తుంది.