హైదరాబాద్: రెండేళ్ల సుదీర్ఘ తర్వాత అంతర్జాతీయ టెన్నిస్లో పునరాగమనం చేసిన భారత తార సానియా మీర్జా అద్భుత ప్రదర్శన చేసింది. హోబర్ట్ ఇంటర్నేషనల్ టోర్నమెంట్లో మంగళవారం జరిగిన మహిళల డబుల్స్ ఈవెంట్లో సానియా మిర్జా జోడీ వొకసానా(జార్జియా)-మియూ కటో (జపాన్)ల జోడీపై గెలుపొందింది.
తాజా విజయంతో సానియా మిర్జా జోడీ ఈ టోర్నీలో క్వార్టర్ ఫైనల్కు చేరుకుంది. రెండేళ్ల తర్వాత కోర్టులో అడుగుపెట్టిన సానియా మిర్జా ఉక్రెయిన్ అమ్మాయి నడియా కిచెనోక్తో జోడీ కట్టింది. వీరిద్దరి జోడీ 2-6, 7-6 (3), 10-3 తేడాతో ఒక్సానా కలష్నికోవా (జార్జియా), మియు కటొ (జపాన్) ద్వయంపై విజయం సాధించింది.
India vs Australia, 1st ODI: అరుదైన రికార్డుని మిస్సైన రోహిత్ శర్మ
Former world No.1 @MirzaSania makes a winning return to the @WTA, teaming with Nadiia Kichenok to defeat Oksana Kalashnikova and Miyu Kato 2-6 7-6(3) [10-3] #HobartTennis pic.twitter.com/qqCpKEQX87
— Hobart International (@HobartTennis) January 14, 2020
గంట 41 నిమిషాల పాటు సాగిన ఈ హోరా హోరీ పోరులో ఆద్యంతం సానియా మిర్జా జోడీదే పైచేయిగా నిలిచింది. క్వార్టర్స్లో సానియా జోడీ మెరికా జోడీ వనియా కింగ్, క్రిస్టినా మెక్హేల్తో తలపడనుంది. రెండేళ్ల విరామం తీసుకున్న సానియా చివరగా 2017, అక్టోబర్లో చైనా ఓపెన్ ఆడింది. మోకాలి గాయంతో ఆ టోర్నీ నుంచి తప్పుకుంది.
SANIA COMEBACK WIN ⏩
— India_OlympicSports (@India_Olym2020) January 14, 2020
Returning to the court after almost two years, @MirzaSania makes a comeback with a win.
Playing at #WTAHobart partnering N Kichenok they beat Kato/Kalashnikova 2-6,7-6(7-3),10-3 to move into second round.
Congratulations 🎊 🎊#WTA #Doubles #saniamirza pic.twitter.com/ZL7OV6iO1E
ఏప్రిల్ 2018లో ఓ పండంటి బిడ్డకు జన్మనిచ్చిన సానియా ఇటీవలే తన సెకండ్ ఇన్నింగ్స్ను మొదలుపెట్టింది. కాగా, మ్యాచ్ ప్రారంభానికి ముందు సానియా తన ట్విట్టర్లో ఓ పోస్టు పెట్టింది. అందులో "నా జీవితంలోని ప్రత్యేకమైన రోజుల్లో ఇదొకటి. నా తల్లిదండ్రులు, నా కొడుకు చాన్నాళ్ల తర్వాత మ్యాచ్ ఆడుతుంటే నాతోపాటే వచ్చారు. తొలి రౌండ్ గెలిచాం. ఈ ప్రేమను పొందుతున్నందుకు చాలా గొప్పగా ఉంది. నమ్మకమనేది ఎలాంటి స్థానంలోనైనా కూర్చోబెడుతుంది. అవును నాన్నా మనం సాధించాం" అని సానియా మిర్జా కొడుకుతో ఉన్న ఫోటోని ట్వీట్ చేసింది.
Today was one of the most special days of my https://t.co/OmE4Vq7KlQ have my parents and my little baby boy wit me in my first match after so long..and we WON our first round.feel very grateful for the love I am receiving.. BELIEF!! Takes you places 🙃YES my baby boy,we did it💪🏽 pic.twitter.com/xxPQ4E2IFE
— Sania Mirza (@MirzaSania) January 14, 2020