Click it and Unblock the Notifications
ఆల్‌టైమ్‌ రికార్డుకు రెండు పతకాల దూరంలో
అదే సమయంలో ఆల్‌టైమ్‌ రికార్డుకు(23) బైల్స్ కేవలం రెండు పతకాల దూరంలో ఉంది. పురుషుల జిమ్నాస్టిక్స్‌లో 23 పతకాలు గెలిచిన విటలీ షెర్బో(బెలార్‌స) పేరిట ఈ ఆల్‌టైమ్‌ రికార్డు ఉంది. ఇదిలా ఉంటే, పురుషుల టీమ్‌లో జిమ్నాస్ట్ వరల్డ్ ఛాంపియన్‌షిప్‌‌ను రష్యా జట్టు గెలుచుకుంది. ఈ విభాగంలో స్వర్ణం నెగ్గడం రష్యాకు ఇదే మొదటిసారి.
రెండు రోజుల క్రితం ఫ్లోర్‌ ఈవెంట్‌లో
కాగా, ఇదే ఛాంపియన్‌షిప్‌లో రెండు రోజుల క్రితం ఫ్లోర్‌ ఈవెంట్‌లో ట్రిపుల్‌ డబుల్‌ చేసి సిమోన్ బైల్స్ అరుదైన రికార్డు నెలకొల్పింది. సోమవారం వరల్డ్ ఆర్టిస్టిక్‌ చాంపియన్‌షిప్‌లో పోటీపడ్డ మొదటి రోజే చూపరులను ఆకట్టుకుంది. గంటల వ్యవధిలో రెండు విన్యాసాలు చేసింది. ఫ్లోర్‌ ఎక్సర్‌సైజ్‌ క్వాలిఫికేషన్‌లో బైల్స్.. ట్రిపుల్‌-డబుల్‌ స్కిల్‌ను ప్రదర్శించింది.
శరీరాన్ని రెండుసార్లు బ్యాక్‌ ఫ్లిప్‌ చేస్తూ
గాలిలోకి ఎగిరి కిందకు ల్యాండ్‌ అయ్యే క్రమంలో శరీరాన్ని రెండుసార్లు బ్యాక్‌ ఫ్లిప్‌ చేస్తూ మూడుసార్లు ట్విస్ట్‌ చేయడం. అత్యంత అరుదైన, సాహసోపేతమైన ఈ అద్భుత విన్యాసాన్ని బైల్స్ ఆవిష్కృతం చేసి చరిత్ర సృష్టించింది. ఈ విన్యాసానికి 'బైల్స్-2'అని పేరు పెట్టారు. ఆ తర్వాత బీమ్‌లో డబుల్‌-ట్విస్టింగ్‌ డబుల్‌ టక్‌ డిస్మౌంట్‌ను ప్రదర్శన సైతం బైల్స్ చేయడం విశేషం.
