Click it and Unblock the Notifications
ఎంజెలాతో పాటు అక్కడున్నవారంతా ఆశ్చర్యం
దీంతో ఎంజెలాతో పాటు అక్కడున్నవారంతా ఒక్కసారిగా ఆశ్చర్యానికి లోనయ్యారు. టోర్నమెంట్‌లో భాగంగా కొలంబియాకు చెందిన చెస్ క్రీడాకారిణి విమ్‌ ఎంజెలా లోపెజ్‌ తన టీమ్ మ్యాచ్‌లో భాగంగా చైనాతో తలపడేందుకు సిద్ధమవుతుంది. ఈ సమయంలో భారత జర్నలిస్ట్ నిక్లేష్ జైన్ తన పెళ్లి చేసుకుంటానని ప్రపోజ్ చేశాడు.
నిక్లేష్ జైన్ మోకాళ్లపై కూర్చోని మరి
నిక్లేష్ జైన్ మోకాళ్లపై కూర్చోని మరి రింగ్‌ను బహుమతిగా ఇస్తూ ‘నన్ను పెళ్లి చేసుకుంటావా' అని ఎంజెలాకు హిందీలో ప్రపోజ్ చేయడం ఎంజెలాతో పాటు అక్కడున్న వారిని ఎంతగానో ఆకట్టుకుంది. తన ప్రపోజల్‌కు ముగ్దురాలైన ఎంజెలా అతన్ని పెళ్లి చేసుకోవడానికి అంగీకరించింది.
కారణాన్ని వెల్లడించిన నిక్లేష్ జైన్
అయితే, తాను అలా ప్రపోజ్ చేయడానికి గల కారణాన్ని సైతం నిక్లేష్ జైన్ వెల్లడించాడు. ఈ సందర్భంగా నిక్లేష్ జైన్ మాట్లాడుతూ "వాస్తవానికి ఆమెలా నేను ఓ చెస్ ప్లేయర్‌. గతంలోనే తనముందు పెళ్లి ప్రస్తావన తేవాలనుకున్నాను. కానీ చెస్ ఒలింపియాడే సరైనదని భావించాను. ఈ టోర్నీలో 189 దేశాల ఆటగాళ్లు పాల్గొంటున్నారు. ఇది మా ఇద్దరికి దేవాలయం వంటిది. అందుకే ఇక్కడ ప్రపోజ్ చేయాలని నిర్ణియించుకొని.. తన చెల్లి సాయం తీసుకున్నాను. గతేడాదిన్నరగా మేం ప్రేమించుకుంటున్నాం. మా ఇద్దరి మధ్య ఉన్న ప్రధాన సమస్య భాష. ఆమె స్పానిష్ తప్ప ఇంగ్లీష్‌ మాట్లాడలేదు. మొబైల్‌ ట్రాన్స్‌లెట్‌ యాప్‌ సాయంతో మాట్లాడుకునేవాళ్లం" అని చెప్పాడు.
|
అమెరికా చెస్ గ్రాండ్‌ మాస్టర్‌ సుసాన్‌ పొల్గర్
అమెరికా చెస్ గ్రాండ్‌ మాస్టర్‌ సుసాన్‌ పొల్గర్ "అతను హిందీ మాట్లాడుతాడు(భారత్‌).. ఆమె స్పానిష్ మాట్లాడుతుంది(కొలంబియా). ఈ ఇద్దరిని చెస్ ప్రేమలో పడేసింది. 2018 చెస్ ఒలంపియాడ్‌ టోర్నీ సందర్భంగా ఆమెకు ప్రపోజ్ చేశాడు. అతని ప్రపోజల్‌కు ఆమె అంగీకరించింది. వారిప్పుడు ఇంగ్లీష్‌ నేర్చుకుంటున్నారు. అభినందనలు.. ఇది ఒలంపియాడ్‌ లవ్‌" అంటూ ట్వీట్‌ చేసింది.
