అబ్‌స్ట్రక్టింగ్‌ ద ఫీల్డ్‌: మిశ్రా రెండో ఆటగాడు, ఫస్ట్ ప్లేయర్ ఎవరో తెలుసా?

ఐపీఎల్ చరిత్రలో 'అబ్‌స్ట్రక్టింగ్‌ ద ఫీల్డ్‌'

కాగా, ఐపీఎల్ చరిత్రలో 'అబ్‌స్ట్రక్టింగ్‌ ద ఫీల్డ్‌' కింద ఔటైన ఫస్ట్ ప్లేయర్‌గా యూసఫ్ పఠాన్ నిలిచాడు. 2013 ఐపీఎల్ సీజన్‌లో యూసఫ్ పఠాన్ కోల్‌కతా నైట్ రైడర్స్ జట్టుకు ఆడిన సమయంలో రాంచీ వేదికగా పూణె వారియర్స్‌తో జరిగిన మ్యాచ్‌లో యూసఫ్ పఠాన్ కూడా సరిగ్గా ఇలానే పెవిలియన్‌కు చేరాడు.

162 పరుగులు చేసిన సన్‌రైజర్స్

ఈ మ్యాచ్‌లో టాస్ ఓడి తొలుత బ్యాటింగ్ చేసిన సన్‌రైజర్స్ హైదరాబాద్ నిర్ణీత 20 ఓవర్లలో 8 వికెట్లు కోల్పోయి 162 పరుగులు చేసింది. అనంతరం 163 పరుగుల విజయ లక్ష్యంతో బరిలోకి దిగిన ఢిల్లీ క్యాపిటల్స్ విజయానికి 3 బంతుల్లో 2 పరుగులు అవసరమయ్యాయి. ఖలీల్ అహ్మద్ వేసిన నాలుగో బంతికి షాట్‌ ఆడబోయి మిశ్రా విఫలమయ్యాడు.

స్టంప్స్‌కు అడ్డంగా పరుగెత్తిన అమిత్ మిశ్రా

అయినా అతడు పరుగందుకున్నాడు. సన్‌రైజర్స్ వికెట్‌ కీపర్‌ సాహా బంతిని స్టంప్స్‌కు కొట్టే ప్రయత్నం చేసి విఫలమయ్యాడు. ఆ తర్వాత వెంటనే పిచ్‌ మధ్యలో ఉన్న ఖలీల్‌ అహ్మద్ ఆ బంతిని అందుకుని నాన్‌-స్ట్రైకింగ్‌ వైపున్న స్టంప్స్‌ కొట్టబోయాడు. అయితే, మిశ్రా ఈ సంగతి గమనించి స్టంప్స్‌కు అడ్డంగా పరుగెత్తే ప్రయత్నం చేశాడు.

ఔట్‌గా ప్రకటించిన థర్డ్ అంఫైర్

దీంతో ఖలీల్‌ విసిరిన బంతి అతడికే తాకింది. దీనిపై ఖలీల్‌ థర్డ్ అంఫైర్ నిర్ణయాన్ని కోరాడు. ఖలీల్‌ త్రోకు ఉద్దేశపూర్వకంగా అడ్డుగా వెళ్లినందుకు ‘అబ్‌స్ట్రక్టింగ్‌ ద ఫీల్డ్‌' కింద అంఫైర్ అతడిని ఔట్‌గా ప్రకటించాడు. చివరి రెండు బంతుల్లో ఢిల్లీ రెండు పరుగులు చేయాల్సిన రావడంతో అభిమానుల్లో ఉత్కంఠ మొదలైంది. ఐదో బంతిని కీమో పాల్ బౌండరీ బాదడంలో ఢిల్లీ విజయం సాధించింది.