భిన్నాభిప్రాయాలు ఉంటాయి:
'ప్రతి విషయంపై జట్టులోని ఆటగాళ్ల అందరికి ఒకేలా అభిప్రాయాలు ఉండవు. జట్టు కూర్పు, వ్యూహాలపై వాద ప్రతివాదాలు, భిన్నాభిప్రాయాలు ఉంటాయి. ప్రతి ఒక్కరూ తమ అభిప్రాయాలను వెల్లడిస్తారు. కానీ.. చివరకు అందరూ ఒకే నిర్ణయానికి వస్తారు' అని భరత్ తెలిపాడు. అన్ని విషయాలను అందరూ అంగీరించలేరు అని అభిప్రాయపడ్డారు.
మద్దతుగా రోహిత్:
'రోహిత్ తరచూ కోహ్లీతో చర్చలు జరుపుతాడు. ఇద్దరు బాగా కలిసిపోతారు. ఒకరి సామర్థ్యం గురించి మరొకరు ప్రశంసలు చేసుకుంటారు. కోహ్లీ జట్టును బాగా నడిపించాడు. కెప్టెన్గా పరిపక్వం చెందుతున్నాడు. అతనికి మద్దతుగా రోహిత్ ఉండటం ఆనందంగా ఉంది. ఈ స్ఫూర్తి జట్టు మొత్తంలో ఉండడం అద్భుతం' అని అరుణ్ పేర్కొన్నాడు.
ధోనీ లెజెండ్:
'ఎంఎస్ ధోనీపై విమర్శలు చేయడం సరికాదు. అతను భారత జట్టుకు ఎంతో సేవ చేసాడు. అతను ఒక లెజెండ్. విరాట్ కోహ్లీ అనేక సందర్భాల్లో ధోనీ ఆలోచనలను, సూచనలను గౌరవిస్తాడు. సెమీ ఫైనల్లో ధోనీ ఉన్నంతవరకు మేమంతా విజయంపై నమ్మకంగా ఉన్నాం. దురదృష్టవశాత్తు రనౌట్ అయ్యాడు. ఆ సమయంలో చాలా బాధేసింది' అని అరుణ్ చెప్పుకొచ్చారు.