ఐపీఎల్ 2018: రోహిత్ శర్మ సిక్సర్ల రికార్డును బద్దలు గొట్టిన రైనా

Posted By:
Suresh Raina Breaks Rohit Sharma ipl record

హైదరాబాద్: సొంతగడ్డపై మంగళవారం కోల్‌కతాతో జరిగిన మ్యాచ్‌లో చెన్నై సూపర్ కింగ్స్ ఆటగాడు సురేశ్ రైనా అరుదైన ఘనత సాధించాడు. ఇండియన్ ప్రీమియర్ లీగ్ (ఐపీఎల్)లో అత్యధిక సిక్సర్లు బాదిన భారత క్రికెటర్‌గా అవతరించాడు. ఐపీఎల్ టోర్నీలో భాగంగా మంగళవారం చెపాక్‌లో చెన్నై-కోల్‌కతా జట్ల మధ్య మ్యాచ్ జరిగింది.

ఈ మ్యాచ్‌లో ఓ సిక్సర్ బాదిన సురేశ్ రైనా మొత్తం 174 సిక్సర్లతో ముంబై ఇండియన్స్ కెప్టెన్ రోహిత్ శర్మ రికార్డును అధిగమించాడు. రోహిత్ శర్మ 160 మ్యాచుల్లో 173 సిక్సర్లు కొట్టగా.... రైనా 174 సిక్సర్లతో రోహిత్‌ను రికార్డుని బద్దలుగొట్టాడు. ఇక, ఐపీఎల్‌లో అత్యధిక సిక్సులు బాదిన ఆటగాడిగా క్రిస్ గేల్ ఉన్నాడు.

ఈ సీజన్‌లో కింగ్స్ ఎలెవన్ పంజాబ్ జట్టుకు ప్రాతినిథ్యం వహిస్తోన్న క్రిస్ గేల్ ఇప్పటి వరకు 265 సిక్సర్లు నమోదు చేశాడు. కాగా, మంగళవారం కోల్‌కతాతో జరిగిన మ్యాచ్‌లో చెన్నై సూపర్ కింగ్స్ 5 వికెట్ల తేడాతో విజయం సాధించింది.తాజా విజయంతో పాయింట్ల పట్టికలో చెన్నై అగ్రస్థానానికి చేరింది.

4 బంతులు ఎదుర్కొని 12 పరుగులు చేసిన నరేన్

4 బంతులు ఎదుర్కొని 12 పరుగులు చేసిన నరేన్

ఈ మ్యాచ్‌లో టాస్‌ ఓడి బ్యాటింగ్‌ ఆరంభించిన కోల్‌‌కతా నైట్ రైడర్స్‌కు శుభారంభం లభించలేదు. ఓపెనర్ సునీల్ నరైన్ కేవలం 4 బంతులు ఎదుర్కొని 12 పరుగులు చేసి పెవిలియన్ చేరాడు. మరో ఓపెనర్ క్రిస్ లిన్ (22) ఫర్వాలేదనిపించగా, రాబిన్ ఉతప్ప (29) దూకుడుగా ఆడే క్రమంలో రనౌటయ్యాడు.

 సగం ఓవర్లయ్యేసరికే కష్టాల్లో కోల్‌కతా

సగం ఓవర్లయ్యేసరికే కష్టాల్లో కోల్‌కతా

ఆ తర్వాత నితీశ్ రాణా (16), రింకూ సింగ్ (2) ఒకరి తరువాత ఒకరు పెవిలియన్ చేరారు. సగం ఓవర్లయ్యేసరికే సగం వికెట్లు కోల్పోయిన కోల్‌కతా కష్టాల్లో పడింది. దీంతో ఇన్నింగ్స్‌‌ను చక్కదిద్దే బాధ్యతను కెప్టెన్ దినేష్ కార్తీక్ (26), ఆండ్రీ రసెల్‌ (88) తీసుకున్నారు. ఈ క్రమంలో దినేశ్ కార్తీక్ నిలకడగా ఆడగా... రసెల్ మాత్రం ఆకాశమే హద్దుగా చెలరేగిపోయాడు.

 27 బంతుల వ్యవధిలో 10 సిక్సులు

27 బంతుల వ్యవధిలో 10 సిక్సులు

కేవలం 36 బంతులు ఎదుర్కొని ఒక్క బౌండరీ, 11 సిక్సర్లతో 88 పరుగులు చేశాడు. కేవలం 27 బంతుల వ్యవధిలో పది సిక్సర్లు బాదాడంటే ఎంత ధాటిగా ఆడాడో ఊహించుకోవచ్చు. రసెల్‌ మొత్తం 11 సిక్సర్లు బాదితే అందులో ఆరు బ్రావో బౌలింగ్‌లో కొట్టినవే. ముఖ్యంగా మిడ్‌వికెట్‌ వైపు రసెల్‌ కళ్లు చెదిరే షాట్లు ఆడాడు.

14వ ఓవర్లో తొలి సిక్సర్‌ బాదిన రసెల్

14వ ఓవర్లో తొలి సిక్సర్‌ బాదిన రసెల్

తొలి 11 బంతుల్లో 10 పరుగులే చేసిన రసెల్‌.. బ్రావో వేసిన 14వ ఓవర్లో తొలి సిక్సర్‌ బాది దూకుడు ప్రారంభించాడు. ఆ తర్వాత శార్దూల్‌ వేసిన 16వ ఓవర్లో వరుసగా రెండు సిక్సర్లు బాదాడు. మళ్లీ బ్రావో బౌలింగ్‌కు రాగా.. ఆ ఓవర్లో రసెల్‌ కొట్టిన ఓ బంతి మిడాన్‌లో 105 మీటర్లు ప్రయాణించి స్టేడియం అవతలపడింది.

 బ్రావో వేసిన 19వ ఓవర్లో మూడు బంతులకు మూడు సిక్సర్లు

బ్రావో వేసిన 19వ ఓవర్లో మూడు బంతులకు మూడు సిక్సర్లు

అదే ఓవర్లో రసెల్‌ మరో సిక్సర్‌, కార్తీక్‌ కూడా ఒక సిక్సర్‌ కొట్టడంతో 19 పరుగలొచ్చాయి. బ్రావోనే వేసిన 19వ ఓవర్లో వరుసగా మూడు బంతులకు మూడు సిక్సర్లు బాదిన రసెల్‌.. 73 పరుగులకు చేరుకున్నాడు. ఇంకా 9 బంతులుండటంతో అతను సెంచరీ బాదేస్తాడేమో అనిపించింది. అయితే చివరి ఓవర్లో రసెల్‌ మూడు బంతులే ఆడాడు. అందులో రెండు సిక్సర్లు బాదాడు.

 20 బంతుల్లో 68 పరుగులు చేసిన రసెల్

20 బంతుల్లో 68 పరుగులు చేసిన రసెల్

ఒకానోక దశలో 16 బంతులకు 20 పరుగులు చేసిన రసెల్‌.. తర్వాతి 20 బంతుల్లో 68 పరుగులు సాధించాడు. దీంతో కోల్ కతా నైట్ రైడర్స్ జట్టు నిర్ణీత 20 ఓవర్లలో 6 వికెట్ల నష్టానికి 202 పరుగులు చేసింది. అనంతరం చెన్నై సూపర్ కింగ్స్ ధాటిగా ఇన్నింగ్స్ ఆరంభించింది. షేన్‌ వాట్సన్‌ ( 42) వచ్చిన బంతిని వచ్చినట్టే బౌండరీ లైన్ దాటించడంతో చెన్నై స్కోరు బోర్డు పరుగులు పెట్టింది.

టోర్నీలో రెండో విజయం నమోదు చేసిన చెన్నై

టోర్నీలో రెండో విజయం నమోదు చేసిన చెన్నై

అతనికి జతగా ఇన్నింగ్స్ ఆరంభించిన అంబటి రాయుడు (39) ఫర్వాలేదనిపించాడు. రైనా (14), ధోనీ ( 25) విఫలమైనప్పటికీ ఆ ప్రభావం ఇన్సింగ్స్ పై పడకుండా శామ్‌ బిల్లింగ్స్‌ (56) ధాటిగా ఆడాడు. కీలక దశలో అతను ఔటైనప్పటికీ రవీంద్ర జడేజా చివరి ఓవర్‌లో రాణించి, జట్టుకు విజయాన్ని అందించాడు. దీంతో చెన్నై సూపర్ కింగ్స్ వరుసగా రెండో విజయం నమోదు చేసింది.

For Quick Alerts
ALLOW NOTIFICATIONS
For Daily Alerts
    Story first published: Wednesday, April 11, 2018, 9:50 [IST]
    Other articles published on Apr 11, 2018
    POLLS

    Mykhel బ్రేకింగ్ అలర్ట్స్ పొందండి

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more