ఇంగ్లాండ్ బౌలర్లు తనను ఎగతాళి చేస్తోన్న
ఇంగ్లాండ్ బౌలర్లు తనను ఎగతాళి చేస్తోన్న ఏమాత్రం పట్టించుకోకుండా చివరి వరకు క్రీజులో ఒంటరి పోరాటం చేశాడు. ఈ మ్యాచ్లో స్టీవ్ స్మిత్ 119 బంతుల్లో 85 పరుగులతో అద్భుత ప్రదర్శన చేశాడు. ఒక ఎండ్లో వికెట్లు పడుతున్నా... స్టీవ్ స్మిత్ మాత్రం మొక్కవోని దీక్షతో చివరి వరకు తన శాయశక్తులా పోరాడటంతో ఆస్ట్రేలియా ఆ మాత్రం స్కోరన్నా చేయగలిగింది. నాకౌట్ గేముల్లో స్టీవ్ స్మిత్ ఎప్పుడూ మంచి ప్రదర్శనే చేశాడు.
ఐసీసీ నాకౌట్ గేముల్లో
ఇప్పటివరకు ఐసీసీ నాకౌట్ గేముల్లో స్టీవ్ స్మిత్ వరుసగా నాలుగు సార్లు యాభైకి పైగా పరుగులు చేశాడు. 2015 ప్రపంచకప్లో సిడ్నీ వేదికగా టీమిండియాతో జరిగిన సెమీపైనల్ మ్యాచ్లో సెంచరీ బాది జట్టు విజయంలో కీలకపాత్ర పోషించాడు. తాజాగా, గురువారం ఎడ్జిబాస్టన్ వేదికగా ఇంగ్లాండ్తో జరిగిన మ్యాచ్లో హాఫ్ సెంచరీ సాధించడంతో ఏడు ఇన్నింగ్స్ల్లో నాలుగు హాఫ్ సెంచరీలు చేసిన క్రికెట్ లెజెండ్ సచిన్ టెండూల్కర్ రికార్డుని స్టీవ్ స్మిత్ సమం చేశాడు.
విరాట్ కోహ్లీతో పోలిస్తే స్టీవ్ స్మిత్ మెరుగైన రికార్డు
ఈ క్రమంలో నాకౌట్ గేముల్లో విరాట్ కోహ్లీతో పోలిస్తే స్టీవ్ స్మిత్ మెరుగైన రికార్డుని కలిగి ఉన్నాడు. టీమిండియా కెప్టెన్ విరాట్ కోహ్లీ ఇప్పటివరకు మూడు ప్రపంచకప్ సెమీపైనల్స్ మ్యాచ్లు ఆడి కేవలం 11 పరుగులే చేశాడు. 2011 ప్రపంచకప్లో పాక్పై 9 పరుగులు, 2015లో ఆస్ట్రేలియాతో జరిగిన మ్యాచ్లో ఒక పరుగుకే పెవిలియన్కు చేరగా... 2019లో న్యూజిలాండ్తో జరిగిన మ్యాచ్లో సైతం కేవలం ఒక్క పరుగుకే ఔటయ్యాడు.
ఛాంపియన్స్ ట్రోఫీ ఫైనల్లో
ఇక, 2017 ఛాంపియన్స్ ట్రోఫీ ఫైనల్లో పాకిస్థాన్పై కేవలం 5 పరుగులే చేసి ఔటయ్యాడు. దీనిని చూస్తుంటే నాకౌట్ గేమ్స్లో కోహ్లీ ఎంతటి చెత్త ప్రదర్శన చేశాడో తెలుస్తుంది. చివరి రెండు సార్లు విరాట్ కోహ్లీ టీమిండియా కెప్టెన్గా ఉండటం విశేషం. క్రికెట్ లెజెండ్ సచిన్ టెండూల్కర్కు సైతం ఇలాంటి అపవాదే ఉంది.
టీమిండియాను గెలిపించలేడనే అపవాదు
సచిన్ టెండూల్కర్ ఆడే రోజుల్లో పెద్ద మ్యాచ్ల్లో టీమిండియాను గెలిపించలేడనే అపవాదుని మూటగట్టుకున్నాడు. ఇప్పుడు విరాట్ కోహ్లీ సైతం నాకౌట్ గేముల్లో పేలవ ప్రదర్శన చేస్తున్నాడనే అపవాదుని మూటగట్టుకుంటున్నాడు. ఇక, స్మిత్ విషయానికి వస్తే నాకౌట్ గేముల్లో ఎన్నోసార్లు తన అద్భుత ప్రదర్శనతో ఆసీస్ను గెలిపించాడు.