రెండో క్రికెటర్గా రాస్ టేలర్
స్టీఫెన్ ఫ్లెమింగ్ తన కెరీర్లో మొత్తం 111 మ్యాచ్లాడి 189 ఇన్నింగ్స్ల్లో 7,172 పరుగులు చేశాడు. ఫ్లెమింగ్ తర్వాత న్యూజిలాండ్ తరుపున టెస్టుల్లో 7వేల పరుగుల క్లబ్లో చేరిన క్రికెటర్గా రాస్ టేలర్ గుర్తింపు పొందాడు. న్యూజిలాండ్ తరుపున 96 టెస్టులాడిన రాస్ టేలర్ ఇప్పటివరకు 7022 పరుగులు చేశాడు.
19 సెంచరీలు
ఇందులో 19 సెంచరీలు, 32 హాఫ్ సెంచరీలు ఉన్నాయి. ఇక వన్డేల్లో 228 వన్డేలాడి 8,376 పరుగులు చేయగా... అంతర్జాతీయ టీ20ల్లో 95 మ్యాచ్లాడి 1,743 పరుగులు చేశాడు. కాగా, ఇటీవలే టెస్టుల్లో అత్యంత వేగంగా 7000 పరుగులు మైలురాయిని అందుకున్న క్రికెటర్గా స్టీవ్ స్మిత్ ప్రపంచ రికార్డుని నెలకొల్పిన సంగతి తెలిసిందే.
126వ టెస్టు ఇన్నింగ్స్లోనే
స్మిత్ తన 126వ టెస్టు ఇన్నింగ్స్లోనే ఏడువేల పరుగులు పూర్తి చేసుకుని సరికొత్త చరిత్ర సృష్టించాడు. ఈ క్రమంలో 73 ఏళ్ల రికార్డును స్టీవ్ స్మిత్ బద్దలు కొట్టాడు. 1946లో ఇంగ్లాండ్ దిగ్గజ బ్యాట్స్మన్ వాలీ హమ్మాండ్ 131 ఇన్నింగ్స్ల్లో ఏడు వేల పరుగుల్ని సాధించాడు. స్టీవ్ స్మిత్ 126 ఇన్నింగ్స్ల్లోనే ఈ మైలురాయని సాధించాడు.
తక్కువ ఇన్నింగ్స్లో అత్యంత వేగంగా 7000 పరుగులు
ఇటీవలే పాక్తో జరిగిన టెస్టు స్టీవ్ స్మిత్కు 70వ టెస్టు కావడం విశేషం. ఫలితంగా టెస్టుల్లో తక్కువ ఇన్నింగ్స్లో అత్యంత వేగంగా 7000 పరుగుల రికార్డుని అందుకున్న ఆటగాడిగా చరిత్ర సృష్టించాడు. ఈ క్రమంలో హమ్మాండ్ రికార్డును బద్దలు కొట్టాడు. ఈ జాబితాలో టీమిండియా మాజీ డాషింగ్ ఓపెనర్ వీరేంద్ర సెహ్వాగ్ మూడో స్థానంలో ఉన్నాడు.
ఆసీస్ తరుపున 11వ ఆటగాడిగా స్మిత్
సెహ్వాగ్ 134 ఇన్నింగ్స్ల్లో 7000 పరుగుల మైలురాయిని అందుకున్నాడు. ఇక, సచిన్ టెండూల్కర్(136) నాలుగో స్థానంలో ఉండగా, విరాట్ కోహ్లీ, కుమార సంగక్కార, గ్యారీ సోబర్స్(138)లు సంయుక్తంగా ఐదో స్థానంలో ఉన్నారు. ఆస్ట్రేలియా తరఫున 7000 టెస్టు పరుగులు సాధించిన 11వ ఆటగాడి స్మిత్ నిలిచాడు.