Click it and Unblock the Notifications
అత్యధిక పరుగులు చేసిన ఆటగాడిగా
1994లో ఇంగ్లాండ్‌పై 375 పరుగులు చేసి టెస్టు క్రికెట్‌ చరిత్రలో ఒక ఇన్నింగ్స్‌లో అత్యధిక పరుగులు చేసిన ఆటగాడిగా లారా చరిత్ర సృష్టించాడు. ఆ తర్వాత ఆస్ట్రేలియా బ్యాట్స్‌మెన్‌ మాథ్యూ హెడెన్ 2003లో జింబాబ్వేపై 380 పరుగులు చేసి లారా రికార్డుని బద్దలు కొట్టాడు.
లారా రికార్డుని బద్దలు కొట్టిన ఆసీస్ క్రికెటర్ హెడెన్
దీంతో ఏడాది తిరక్కుండానే 2004లో ఏప్రిల్‌లో 400 పరుగులతో నాటౌట్‌గా నిలిచి లారా ఆస్ట్రేలియా బ్యాట్స్‌మన్ హెడెన్ రికార్డుని అధిగమించాడు. టెస్టు క్రికెట్లో తనకు తానే పోటీ అని నిరూపించుకున్నాడు. అంతేకాదు పదేళ్ల తర్వాత (2004లో) అదే జట్టుపై అదే గ్రౌండ్‌లో లారా ఈ ఇన్నింగ్స్ ఆడటం విశేషం.
లారా ఇన్నింగ్స్ రోజు వారీగా ఇలా
ఈ మ్యాచ్‌లో తొలి రోజు 86 పరుగులు చేసిన లారా.. రెండో రోజు విధ్వంసకర ఇన్నింగ్స్ ఆడాడు. ట్రిపుల్‌ సెంచరీ (313 పరుగులు) సాధించి నాటౌట్‌గా ఉన్నాడు. ఇక, మూడో రోజు మరో 87 పరుగులు జోడించి 400 పరుగుల మార్కుని అందుకుని నాటౌట్‌గా నిలిచాడు. దీంతో వెస్టిండిస్ జట్టు 7 వికెట్ల నష్టానికి 751 పరుగులతో పటిష్ట స్థితిలో నిలిచింది. వెంటనే లారా తొలి ఇన్నింగ్స్‌ని డిక్లేర్డ్‌ చేశాడు.
13 గంటల పాటు క్రీజులో పాతుకుపోయిన లారా
202 ఓవర్ల పాటు క్రీజులో పాతుకుపోయిన లారా 582 బంతులెదుర్కొని 43 ఫోర్లు, నాలుగు సిక్స్‌ర్లతో 400 పరుగుల సెంచరీ సాధించాడు. 13 గంటల పాటు క్రీజులో ఉన్నాడు. లారా ఇన్నింగ్స్‌తో ఇంగ్లాండ్‌కు ఫాలో ఆన్‌ తప్పలేదు. ఈ టెస్టులో తగినంత సమయం లేకపోవడంతో మ్యాచ్ డ్రాగా ముగిసింది. ఫస్ట్‌క్లాస్‌ క్రికెట్‌లోనూ అత్యధిక పరుగుల రికార్డు 501 నాటౌట్‌ లారా పేరిటే ఉండటం విశేషం.
