నాలుగో స్లాట్లోకి వచ్చి..
ఐపీఎల్పై సన్రైజర్స్ హైదరాబాద్ ఓ చెక్కు చెదరని ముద్రను వేసింది. ఐపీఎల్ 2016 సీజన్లో నమోదు చేసిన ఈ రికార్డ్ ఇప్పటికీ చెక్కు చేదరట్లేదు. దాన్ని ఇప్పట్లో ఎవరూ కొట్టేలానూ కనిపించట్లేదు. ఈ సీజన్తో ఆ రికార్డ్ చెరిగిపోతుందని భావించినప్పటికీ.. అది వాస్తవ రూపం దాల్చలేదు. అదే- ఎలిమినేటర్ మ్యాచ్ను ఆడి టైటిల్ను ఎగరేసుకెళ్లడం.
ఎలిమినేటర్ మ్యాచ్ను ఆడటం అంటే.. చిట్టచివరి దశలో ప్లేఆఫ్స్లో అవకాశం దక్కించుకున్నట్టు. ఆ స్థాయి నుంచి టైటిల్ ఛాంపియన్గా ఎదగడం అనేది ఒక్క సన్రైజర్స్ హైదరాబాద్కు మాత్రమే సాధ్యమైంది.
2016 సీజన్లో సరిగ్గా ఇదే రోజు..
2016లో సరిగ్గా ఇదే రోజు ఆ ఘనతను సాధించింది సన్రైజర్స్ హైదరాబాద్. నాలుగో స్లాట్ను బుక్ చేసుకున్న ఆరెంజ్ ఆర్మీ.. ఎలిమినేటర్లో కోల్కత నైట్రైడర్స్తో తలపడింది. ఆ జట్టును చిత్తు చేసింది. తొలుత బ్యాటింగ్ చేసిన సన్రైజర్స్ 162 పరుగులే చేసినప్పటికీ.. దాన్ని కాపాడుకోగలిగింది. కోల్కత నైట్రైడర్స్ను 140 పరుగులకే పరిమితం చేసింది.
రెండో క్వాలిఫయర్లో అప్పటి గుజరాత్ లయన్స్తో ఓ ఆట ఆడుకుంది. గుజరాత్ లయన్స్ 163 పరుగులు చేయగా.. ఆ లక్ష్యాన్ని ఆరు వికెట్లు కోల్పోయి ఛేదించింది సన్రైజర్స్. దర్జాగా ఫైనల్స్లో అడుగు పెట్టింది.
ఫైనల్స్లో ఆర్సీబీపై
ఫైనల్స్లో రాయల్ ఛాలెంజర్స్ బెంగళూరును మట్టికరిపించింది. ఫైనల్స్లో ఏకంగా 208 పరుగులు చేసింది. కేప్టెన్ కమ్ ఓపెనర్ డేవిడ్ వార్నర్ 38 బంతుల్లో 69 పరుగులు చేశాడు. శిఖర్ ధవన్-28, యువరాజ్ సింగ్-38, బెన్ కట్టింగ్-39 పరుగులు చేశారు. అనంతరం బ్యాటింగ్కు దిగిన రాయల్ ఛాలెంజర్స్ బెంగళూరు 200 పరుగులే చేయగలిగింది.
ఓపెనర్లు క్రిస్ గేల్-76, విరాట్ కోహ్లీ-54 పరుగులతో 114 పరుగులు చేసినప్పటికీ.. దాన్ని విజయంగా మలచుకోలేకపోయింది ఆర్సీబీ. కేఎల్ రాహుల్, షేన్ వాట్సన్, స్టువర్ట్ బిన్ని, క్రిస్ జోర్డాన్ పరుగులు చేయలేకపోయారు. బెన్ కట్టింగ్ రెండు వికెట్లు పడగొట్టాడు. ప్లేయర్ ఆఫ్ ది అవార్డ్ అందుకున్నాడు.
ఏదీ నాటి వైభవం..
అలాంటి జట్టు ఈ సీజన్లో కనీసం ప్లేఆఫ్స్కు కూడా చేరలేకపోయింది. ఫస్ట్ హాఫ్లో వరుసగా అయిదు మ్యాచ్లల్లో ఘన విజయాలను అందుకున్న తరువాత ఒక్కసారిగా కుప్పకూలింది సన్రైజర్స్. అయిదు మ్యాచ్లల్లో ఎలా విజయం సాధించిందో.. ఆ తరువాతి అయిదింట్లో అదే రేంజ్లో ఓడిపోయింది. ఫస్ట్ హాఫ్లో ఉన్నప్పటి దూకుడు కొనసాగించలేకపోయింది. ఫస్ట్ హాఫ్లో రెండో స్థానం వరకు ఎగబాకిన ఈ జట్టు.. ప్రస్తుతం 12 పాయింట్లతో ఎనిమిదో స్థానానికి దిగజారింది. మొత్తంగా 14 మ్యాచ్లల్లో ఎనిమిదింట్లో ఓడింది. అవమానకరంగా వైదొలగింది.