ఓడినవారు సాకులు చెప్తారు: పింక్ బాల్ టెస్ట్‌ ఓటమిపై బంగ్లాదేశ్ కెప్టెన్

బంగ్లా తరచూ టెస్టులు ఆడదని మీకు తెలుసు

"మా జట్టు తరచూ టెస్టులు ఆడదని మీకు తెలుసు. వచ్చే ఏడాది మొత్తం పది టెస్టులు ఆడాల్సి ఉంది. అందుకోసం మానసికంగా సన్నద్ధమవ్వాలి. రోజు రోజుకు మెరుగవుతాం. అయితే, ఇందుకు కాస్త సమయం పడుతుంది. ఈ సిరిస్‌లో యువ బ్యాట్స్‌మెన్‌ తెలుసుకోవాల్సింది ఏంటంటే తప్పులతోనే భవిష్యత్‌లో మంచి ఫలితాలు వస్తాయి" అని తెలిపాడు.

ఓటమికి పింక్‌ బాల్‌ను కారణం కాదు

అయితే, ఈడెన్‌లో తమ ఓటమికి పింక్‌ బాల్‌ను కారణంగా చెప్పదలచుకోలేదని మొమినుల్ హక్ తెలిపాడు. "మా ఓటమికి సాకు చెప్పడంలో అర్థం లేదు. ఓడిపోయినవారు సాకులు చెప్తారు. ఒక జట్టుగా మేము మంచి ప్రదర్శన ఇవ్వలేకపోయాం. మేము పేలవంగా బ్యాటింగ్ చేసాము. ఈ సిరీస్ నుండి నేర్చుకోవలసినవి చాలా ఉన్నాయి. పోరాటం ఒకదాన్ని పరిపూర్ణంగా చేస్తుంది. ఇది నిరాశ చెందడం కంటే నేర్చుకోవడం మంచింది" అని అన్నాడు.

ఆ నిర్ణయం తప్పుడిదేనా?

బంగ్లాదేశ్‌ క్రికెట్‌ బోర్డు డే నైట్‌ టెస్టుకు ఒప్పుకోవడం తప్పుడు నిర్ణయమా? అని అడిగిన ప్రశ్నకు మొమినుల్ హాక్ "ఆ నిర్ణయం తప్పేమీ కాదు. మేం ఓడిపోయినా, ఎప్పుడో ఒకసారి దీనిని మొదలు పెట్టాల్సిందే. భారత్‌ కూడా పింక్‌ టెస్టును తొలిసారే ఆడింది. అయితే, కాస్తా సమయం దొరికుంటే, మాకు ప్రాక్టీస్‌ చేసుకునే వీలుండేది, కానీ అలా జరగలేదు" అని పేర్కొన్నాడు.

షకీబ్ అల్‌ హసన్‌‌పై నిషేధం విధించడంతో

ఇటీవలే బంగ్లా ఆల్ రౌండర్ షకీబ్ అల్‌ హసన్‌‌పై నిషేధం విధించడంతో బంగ్లా క్రికెట్ బోర్డు మొమినుల్‌ హక్‌ను టెస్టు కెప్టెన్‌గా ఎంపిక చేసింది. ఈ నేపథ్యంలో తన వ్యక్తిగత ప్రదర్శనపై మొమినుల్ హాక్ మాట్లాడుతూ"నా వ్యక్తిగత ప్రదర్శనపై ఎక్కువగా ఆలోచించను. జట్టు గురించి మాత్రమే ఆలోచిస్తా. అయితే, మేం ఆడిన విధానం మాత్రం బాధపెడుతోంది. బ్యాటింగ్‌లో నేను ఇబ్బంది పడి ఉండొచ్చు... త్వరలోనే పుంజుకుంటా" అని వెల్లడించాడు.

మంచు తగ్గిన తర్వాత పింక్ బాల్‌ను

"ప్రతి ఒక్కరూ తమీమ్‌ను మిస్సయ్యాం. అయితే, ఇదొక గొప్ప అవకాశం... దానిని అవకాశంగా మలచుకోలేకపోయాం. పింక్ బాల్‌తో బ్యాటింగ్ కొత్త అనుభూతినిచ్చింది. మంచు ప్రభావం తగ్గిన తర్వాత పింక్ బాల్‌ను ఎదుర్కొవడం సులభంగానే ఉంది" అని మొమినుల్ హక్ తెలిపాడు.