ఫల్క్నర్ వేసిన మూడో ఓవర్ ఐదో బంతికి
బ్రిస్బెన్ హీట్ ఇన్నింగ్స్లో జేమ్స్ ఫల్క్నర్ వేసిన మూడో ఓవర్ ఐదో బంతిని ఓపెనర్ మ్యాక్స్ బ్రియాంట్ లాంగాన్లో భారీ షాట్ ఆడాడు. దీంతో అంతా సిక్స్గా భావించారు. అయితే, ఆ సమయంలో అక్కడే ఫీల్డింగ్ చేస్తోన్న జోఫ్రా అర్చర్ పరిగెత్తుకుంటూ వెళ్లి బౌండరీ లైన్ వద్ద ఒంటి చేత్తో బంతిని అందుకున్నాడు.
ఆశ్చర్యానికి లోనైన అభిమానులు
ఆ సమయంలో సమన్వయం కోల్పోతున్ననట్లు గ్రహించిన ఆర్చర్ బంతిని వెంటనే గాల్లోకి విసిరేసి బౌండరీ లైన్ దాటొచ్చి మరీ అందుకున్నాడు. రెప్పపాటులో జరిగిన ఈ ఫీట్తో మైదానంలో ఆటగాళ్లతో పాటు మ్యాచ్ని వీక్షిస్తోన్న అభిమానులు ఆశ్చర్యానికి లోనయ్యారు. ఈ క్యాచ్తో బ్రియాంట్ (7) నిరాశగా పెవిలియన్ చేరాడు.
|
సోషల్ మీడియాలో వీడియో వైరల్
ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అయింది. ఈ మ్యాచ్లో హోబర్ట్ హరికేన్స్ 9 వికెట్ల తేడాతో విజయం సాధించింది. ఈ మ్యాచ్లో టాస్ ఓడి తొలుత బ్యాటింగ్ చేసిన బ్రిస్బెన్ హీట్ నిర్ణీత ఓవర్లలో 6 వికెట్ల నష్టానికి 145 పరుగులు చేసింది. ఆ తర్వాత హరికేన్స్ 14.2 ఓవర్లలోనే ఒక వికెట్ కోల్పోయి లక్ష్యాన్ని చేధించింది.