Click it and Unblock the Notifications
ఇంకో 122 పరుగులు చేస్తే
ఐపీఎల్ చరిత్రలో విరాట్ కోహ్లీ ఇప్పటి వరకు 184 ఇన్నింగ్స్‌ల్లో 130.73 స్ట్రైక్‌ రేట్‌తో 38.16 సగటుతో 5878 పరుగులు చేశాడు. ఇంకో 122 పరుగులు చేస్తే.. టోర్నీ చరిత్రలో 6000 పరుగులు సాధించిన తొలి బ్యాట్స్‌మన్‌గా విరాట్ అవతరిస్తాడు. ఐపీఎల్ ప్రారంభమైనప్పటి నుంచి కోహ్లీ ఆర్సీబీకే ఆడుతున్న విషయం తెలిసిందే. టోర్నీలో అత్యధిక పరుగులు చేసిన జాబితాలో సురేష్ రైనా (5368), డేవిడ్ వార్నర్ (5254), రోహిత్ శర్మ (5230)లు కోహ్లీ తర్వాత ఉన్నారు. గతేడాది రైనా లీగ్ ఆడకపోవడంతో కోహ్లీ అగ్రస్థానంలోకి దూసుకొచ్చాడు. . విరాట్ ఇప్పటి వరకు ఐదు సెంచరీలు నమోదు చేశాడు. లీగ్‌లో విండీస్‌ హార్డ్‌హిట్టర్‌ క్రిస్ గేల్ ఆరు శతకాలు బాదేశాడు.
ఒక సీజన్‌లో అత్యధిక పరుగులు
ఒక ఐపీఎల్ సీజన్‌లో అత్యధిక పరుగులు చేసిన ఆటగాళ్లలో విరాట్ కోహ్లీ టాప్‌లో ఉన్నాడు. 2016 సీజన్‌లో 973 పరుగులు చేయడం ద్వారా సింగిల్‌ ఐపీఎల్ సీజన్‌లో అత్యధిక పరుగులు చేసిన రికార్డును విరాట్ లిఖించాడు. ఆ సీజన్‌లో కోహ్లీ నాలుగు సెంచరీ బాది ఆర్సీబీని ఫైనల్‌కు చేర్చాడు. ఒక సీజన్‌లో అత్యథిక పరుగులు చేసిన ఆటగాళ్ల జాబితాలో డేవిడ్ వార్నర్ (848 పరుగులు 2016 సీజన్‌లో) రెండో స్థానంలో ఉండగా.. కేన్‌ విలియమ్సన్ (735-2018 సీజన్‌లో) మూడో స్థానంలో ఉన్నాడు.
ఇంకా 269 పరుగులు
టీ20 ఫార్మాట్‌లో పదివేల పరుగులు పూర్తి చేసుకోవడానికి విరాట్ కోహ్లీకి ఇంకా 269 పరుగులు అవసరం. క్రిస్ గేల్, కీరన్ పోలార్డ్, షోయబ్ మాలిక్ మాత్రమే ఇప్పటివరకు టీ20 ఫార్మాట్‌లో పదివేల పరుగులు పూర్తి చేశారు. గేల్ 13 వేలకు పైగా పరుగులు చేసి అందరికంటే టాప్‌లో ఉన్నాడు. ఐపీఎల్‌లో ఓపెనర్‌గా విరాట్ కోహ్లీ యావరేజ్‌ 46.90గా ఉంది. ఇది విరాట్ మిగతా పొజిషన్ల యావరేజ్‌ కంటే ఎక్కువ. మిగతా పొజిషన్లలో అతడి యావరేజ్‌ 34.0 మాత్రమే.
విరాట్ కోహ్లీని ఊరిస్తున్న రికార్డులు ఇవే
# బెంగళూరు (చాంపియన్స్‌ లీగ్ టీ20, ఐపీఎల్ కలుపుకుని) తరఫున 50 సార్లు ఫిఫ్టీ ప్లస్‌ స్కోర్లు సాధించడానికి ఇంకా నాలుగు హాఫ్‌ సెంచరీలు అవసరం.
# ఐపీఎల్‌లో 200 మ్యాచ్‌ల మార్కును చేరడానికి ఇంకా 8 మ్యాచ్‌లు ఆడాల్సి ఉంది. ఇప్పటికు వరకూ 192 ఐపీఎల్ మ్యాచ్‌లు ఆడాడు.
# ఐపీఎల్‌లో 50 ఫిఫ్టీ ప్లస్‌ స్కోర్లు సాధించడానికి ఇంకా ఆరు హాప్‌ సెంచరీలు అవసరం.
# ఐపీఎల్‌లో వాంఖడే స్టేడియంలో 58.4 సగటుతో 409 పరుగులు చేశాడు.
# ఐపీఎల్‌లో సందీప్‌ శర్మ బౌలింగ్‌లో అత్యధికంగా ఏడుసార్లు ఔటయ్యాడు.
MI vs RCB: తొలి మ్యాచ్‌కు ముందు.. ముంబై ఇండియన్స్‌కి వార్నింగ్ ఇచ్చిన టీమిండియా మాజీ స్పిన్నర్!!
