ఈడెన్‌లో KKR vs SRH: టాస్ గెలిచిన కోల్‌కతా, సన్‌రైజర్స్ కెప్టెన్‌గా భువీ

సొంతగడ్డపై బోణి కొట్టాలని కోల్‌కతా

మరోవైపు కోల్‌కతా నైట్‌రైడర్స్ సొంతగడ్డపై బోణి కొట్టాలని ఆశిస్తోంది. సొంతగడ్డపై వేలాది మంది అభిమానుల మధ్య సత్తాచాటేందుకు సిద్ధమైంది. ఆ జట్టు కెప్టెన్ దినేశ్ కార్తీక్, క్రిస్‌లిన్, బ్రాత్‌వైట్, ఆండ్రీ రసెల్‌ తదితర హిట్టర్లతో కళకళలాడుతోంది. అయితే.. సన్‌రైజర్స్ హైదరాబాద్ ప్రధాన బలం బౌలింగ్ అనే విషయం తెలిసిందే. బలబలాల పరంగా చూస్తే రెండు జట్లు దాదాపు సమవుజ్జీలుగా కనిపిస్తున్నాయి.

ఈ రెండు జట్లూ 15సార్లు తలపడగా

ఐపీఎల్‌ చరిత్రలో ఇప్పటి వరకూ ఈ రెండు జట్లూ 15సార్లు తలపడగా కోల్‌కతా నైట్‌రైడర్స్‌ ఏకంగా 9 మ్యాచ్‌ల్లో గెలుపొందింది. సన్‌రైజర్స్ హైదరాబాద్ ఆరింట విజయం సాధించింది. 2018 ఐపీఎల్‌ సీజన్‌‌లో మూడు సార్లు (లీగ్‌ దశలో రెండు సార్లు, ఎలిమినేటర్ మ్యాచ్) ఢీకొనగా.. లీగ్ తొలి మ్యాచ్‌లో ఓడిన హైదరాబాద్.. ఆ తర్వాత రెండో మ్యాచ్, ఎలిమినేటర్ మ్యాచ్‌లో గెలిచి ఫైనల్‌కి చేరింది.

రెండు సార్లు టైటిల్ నెగ్గిన నైట్ రైడర్స్

2008లో ప్రారంభమైన ఐపీఎల్‌లో ఇప్పటి వరకూ 11 సీజన్లు ముగియగా.. చెన్నై సూపర్ కింగ్స్, ముంబయి ఇండియన్స్ మూడేసి సార్లు టైటిల్ గెలిచాయి. కోల్‌కతా నైట్‌రైడర్స్ రెండు సార్లు, రాజస్థాన్ రాయల్స్ , డక్కన్ ఛార్జర్స్, సన్‌రైజర్స్ హైదరాబాద్‌ ఒక్కోసారి విజేతగా నిలిచాయి.

టైటిల్ కొట్టాలనే కసితో సన్‌రైజర్స్

గత సీజన్‌లో ఫైనల్లో చెన్నై చేతిలో ఓటమితో రన్నరప్‌తో సరిపెట్టుకున్న సన్‌రైజర్స్.. ఈసారి ఎలాగైనా టైటిల్ కొట్టాలనే కసితో ఉంది. జట్టును ముందుండి నడిపించే కెప్టెన్ విలియమ్సన్‌కు తోడు మార్టిన్ గప్టిల్, బెయిర్‌స్టో, యూసుఫ్ పఠాన్, విజయ్ శంకర్, మనీశ్ పాండే లాంటి వారితో బ్యాటింగ్ బలంగా కనిపిస్తున్నది. స్వల్ప లక్ష్యాన్ని నిలబెట్టుకోవడంలో సన్‌రైజర్స్ ముందుంటుంది.

జట్ల వివరాలు

కోల్‌కతా నైట్ రైడర్స్ జట్టు: క్రిస్ లిన్, సునీల్ నరైన్, రాబిన్ ఉతప్ప, శుభ్‌మన్ గిల్, నితీశ్ రాణా, దినేశ్ కార్తీక్ (కెప్టెన్), ఆండ్రూ రసెల్, పీయూష్ చావ్లా, కుల్దీప్ యాదవ్, లాకీ ఫెర్గ్యూసన్, ప్రసీద్ కృష్ణ

సన్‌రైజర్స్ హైదరాబాద్ జట్టు: డేవిడ్ వార్నర్, జాన్ బెయిర్‌స్టో, మనీశ్ పాండే, దీపక్ హుడా, షకీబల్ హసన్, విజయ్ శంకర్, యూసుఫ్ పటాన్, రషీద్ ఖాన్, భువనేశ్వర్ కుమార్ (కెప్టెన్), సందీప్ శర్మ, సిద్ధార్థ్ కౌల్