గంభీర్ వ్యాఖ్యల ప్రస్తావన
ఈ నేపథ్యంలో.. మీడియాతో విరాట్ కోహ్లీ మాట్లాడుతుండగా గంభీర్ వ్యాఖ్యల ప్రస్తావన వచ్చింది. కోహ్లీ మాట్లాడుతూ "ఐపీఎల్ టైటిల్ గెలవాలని నేనూ కోరుకుంటున్నాను. దానికోసం శక్తివంచన లేకుండా ప్రయత్నిస్తున్నా. కానీ.. కేవలం ఐపీఎల్ టైటిల్ ఆధారంగా నా సామర్థ్యాన్ని అంచనా వేయడాన్ని ఒప్పుకోను" అని కోహ్లీ అన్నాడు.
ఎటువంటి ప్రమాణాలు లేవు
"నిజానికి ఒక క్రీడాకారుడి ప్రతిభను అంచనా వేయడానికి ఎటువంటి ప్రమాణాలు లేవు. ప్రతిసారీ టైటిల్ గెలవాలనే కోరుకుంటా. కానీ.. అన్నిసార్లూ అది సాధ్యంకాకపోవచ్చు. నాకు సాధ్యమైనంత వరకు గెలవడానికే ప్రయత్నిస్తా. నా కెరీర్లో ఎన్ని టైటిల్లు గెలవాలని భావిస్తానో అన్నీ గెలిచి తీరతాను" అని కోహ్లీ చెప్పాడు.
|
ఇలా విమర్శలతో వార్తల్లో నిలవాలని
"అయితే కొన్నిసార్లు అది సాధ్యం కాకపోవచ్చు. బయటవాళ్లలా నేనూ ఆలోచిస్తే.. ఐదు మ్యాచ్లు కూడా ఆడకుండానే.. ఇంట్లో కూర్చుంటాను. చాలా మంది ఇలా విమర్శలతో వార్తల్లో నిలవాలని కోరుకుంటున్నారని నాకు తెలుసు. కానీ.. నాకంటూ ఓ బాధ్యత ఉంది. ఒక జట్టు కెప్టెన్గా.. ఐపీఎల్ టైటిల్ను జట్టుకి అందించాలని కోరుకుంటున్నా. ఆ ప్రేరణతోనే ఈసారి కూడా బరిలోకి దిగుతున్నాం" అని కోహ్లీ వెల్లడించాడు.