భారత్ 347/9 డిక్లేర్‌: ముష్ఫికర్ హాఫ్ సెంచరీ... పింక్ బాల్ టెస్ట్, డే2 హైలెట్స్ ఇవే!

ఐదో వికెట్ కోల్పోయిన బంగ్లాదేశ్

రెండో ఇన్నింగ్స్‌లో బంగ్లాదేశ్ ఐదో వికెట్ కోల్పోయింది. ఇషాంత్ శర్మ వేసిన ఇన్నింగ్స్ 26వ ఓవర్ ఆఖరి బంతికి మెహదీ హాసన్(15) పరుగుల వద్ద కోహ్లీకి క్యాచ్ ఇచ్చి వెనుదిరిగాడు. దీంతో 27 ఓవర్లకు గాను బంగ్లా 134/5 స్థితిలో ఉంది.

ముష్ఫికర్ హాఫ్ సెంచరీ

భారత్‌తో జరుగుతున్న తొలి డే నైట్ టెస్టు రెండో ఇన్నింగ్స్‌లో ముష్ఫికర్ రహీమ్ 54 బంతుల్లో 9 ఫోర్ల సాయంతో హాఫ్ సెంచరీ సాధించాడు. టెస్టుల్లో ముష్ఫికర్‌కు ఇది 21వ హాఫ్ సెంచరీ కావడం విశేషం. ప్రస్తుతం 25.5 ఓవర్లకు గాను బంగ్లాదేశ్ 4 వికెట్లు కోల్పోయి 133 పరుగులు చేసింది. క్రీజులో ముష్ఫికర్(51), మెహదీ హాసన్(15) పరుగులతో ఉన్నారు. బంగ్లాదేశ్ ఇంకా 108 పరుగుల వెనుకంజలో ఉంది.

5⃣0⃣! @mushfiqur15 ​ gets his 21st Test fifty.#BANvIND #RiseOfTheTigers pic.twitter.com/8q40ri6SeV

— Bangladesh Cricket (@BCBtigers) November 23, 2019

మెహదీ హాసన్ క్యాచ్‌ని మిస్ చేసిన రహానే

క్రీజులో కుదురుకున్న బంగ్లాదేశ్ బ్యాట్స్‌మెన్ విడదీసేందుకు కెప్టెన్ కోహ్లీ అశ్విన్‌ను ప్రయోగించాడు. అశ్విన్ వేసిన వేసిన తొలి బంతిని ముష్ఫికర్ బౌండరీగా మలిచాడు. ఇదే ఓవర్ నాలుగో బంతి మెహదీ హాసన్ బ్యాట్‌కు తగిలి స్లిప్‌లో ఉన్న రహానే చేతిలో పడింది. అయితే, రహానే కాస్త ఆలస్యంగా స్పందించడంతో క్యాచ్ మిస్ అయింది.

మహ్మదుల్లా రిటైర్డ్ హర్ట్

బంగ్లా బ్యాట్స్‌మన్ మహ్మదుల్లా రిటైర్డ్ హార్ట్‌గా వెనుదిరిగాడు. క్రీజులో కుదురుకుని ముప్ఫికర్‌తో మంచి భాగస్వామ్యాన్ని నెలకొల్పిన మహ్మదుల్లా రిటైర్డ్ హర్ట్‌గా వెనుదిరిగడం బంగ్లాదేశ్‌కు గట్టి ఎదురుదెబ్బే. రిటైర్డ్ హర్ట్‌గా వెనుదిరిగిన మహ్మదుల్లా స్థానంలో మెహదీ హసన్ క్రీజులోకి వచ్చాడు.

రనౌట్ నుంచి తప్పించుకున్న ముష్ఫికర్

తొలి డే నైట్ టెస్టు మ్యాచ్‌లో ముష్ఫికర్ రనౌట్ నుంచి తప్పించుకున్నాడు. అంఫైర్ ఎరాస్మస్ ఇచ్చిన ఎల్బీపై ముష్ఫికర్ రివ్యూ కోరాడు. అయితే, రివ్యూలో బంతి ఆల్ట్రా ఎడ్జ్ తీసుకున్నట్లు స్పష్టంగా కనిపించడంతో థర్డ్ అంఫైర్ నాటౌట్‌గా ప్రకటించాడు. ప్రస్తుతం 18 ఓవర్లకు గాను బంగ్లా 4 వికెట్లు కోల్పోయి 76 పరుగులు చేసింది. క్రీజులో ముష్ఫికర్(23), మహ్మదుల్లా(34) పరుగులతో ఉన్నారు.

పోరాడుతున్న ముష్ఫికర్-మహ్మదుల్లా

347/9 వద్ద భారత్ తొలి ఇన్నింగ్స్‌ను డిక్లేర్ చేసిన తర్వాత రెండో ఇన్నింగ్స్‌ను ప్రారంభించిన బంగ్లాదేశ్‌ 44 పరుగులకే 4 వికెట్లు కోల్పోయ కష్టాల్లో ఉన్న దశలో క్రీజులోకి వచ్చిన ముష్ఫికర్, మహ్మదుల్లా ఆచితూచి ఆడుతూ స్కోరు బోర్డుని నడిపిస్తున్నారు. వీరిద్దరూ కలిసి ఐదో వికెట్‌కు 60 పరుగుల భాగస్వామ్యం నెలకొల్పారు. ప్రస్తుతం 17 ఓవర్లకు గాను బంగ్లాదేశ్ 4 వికెట్లు కోల్పోయి 73 పరుగులు చేసింది. బంగ్లా ఇంకా 168 పరుగుల వెనుకంజలో ఉంది.

After 15 overs Bangladesh are 63/4. Mahmudullah (28*) and Mushfiqur (16*) are at the crease.#BANvIND #RiseOfTheTigers pic.twitter.com/R2pz8hwIar

— Bangladesh Cricket (@BCBtigers) November 23, 2019

ముష్ఫికర్ తలను తాకిన ఉమేశ్ బౌన్సర్

ఈడెన్ గార్డెన్స్ వేదికగా భారత్‌తో జరుగుతున్న డే నైట్ టెస్టు రెండో ఇన్నింగ్స్‌లో బంగ్లాదేశ్‌ బ్యాట్స్‌మన్ తడబడుతున్నారు. బంగ్లా ఇన్నింగ్స్‌‌లో భారత పేసర్ ఉమేశ్ యాదవ్ వేసిన 15వ ఓవర్ మూడో బంతి ముష్ఫికర్ తలను తాకింది. దీంతో అంఫైర్ డ్రింక్స్ విరామం ప్రకటించాడు. అదే సమయంలో బంగ్లా ఫిజియో మైదానంలోకి వచ్చి ముష్పికర్‌ను పరిశీలించాడు. దీంతో అతడికి ఏమీ కాకపోవడంతో ఊపిరి పీల్చుకున్నాడు. ప్రస్తుతం 14.3 ఓవర్లకు గాను బంగ్లాదేశ్ 4 వికెట్లు కోల్పోయి 63 పరుగులు చేసింది. బంగ్లా ఇంకా 178 పరుగుల వెనుకంజలో ఉంది.

17 పరుగులకే 4 వికెట్లు కోల్పోయిన బంగ్లా

347/9 వద్ద భారత్ తొలి ఇన్నింగ్స్‌ను డిక్లేర్ చేసిన తర్వాత రెండో ఇన్నింగ్స్‌ను ప్రారంభించిన బంగ్లాదేశ్‌ 17 పరుగులకే 4 వికెట్లు కోల్పోయి కష్టాల్లో పడింది. భారత పేసర్లు బంగ్లాదేశ్ బ్యాట్స్‌మెన్‌కు చుక్కలు చూపిస్తున్నారు. పదునైన బౌన్సర్లతో బంగ్లా బ్యాట్స్‌మెన్‌ను బెంబేలెత్తిస్తున్నారు.

2nd ball of the final session and we have a wicket. Mithun is OUT! @y_umesh gets his first wicket now. #TeamIndia #PinkBallTest pic.twitter.com/ca64XtwkZI

— BCCI (@BCCI) November 23, 2019

ఇషాంత్ శర్మపై కోప్పడ్డ మిథున్

ఈడెన్ గార్డెన్స్ వేదికగా భారత్‌తో జరుగుతున్న తొలి డే నైట్ టెస్టు మ్యాచ్‌లో మహ్మద్ మిథున్ సీరియస్ అయ్యాడు. టీమిండియా పేసర్ ఇషాంత్ శర్మ విసిరిన బౌన్సర్ మహ్మద్ మిధున్ హెల్మెట్‌ను బలంగా తాకింది. దీంతో అతడికి ఏమైందోనంటూ భారత క్రికెటర్లు అతడి వద్దకు వెళ్లారు. అయితే, అతడికి ఏమీ కాకపోవడంతో అందరూ ఊపిరి పీల్చుకున్నారు.

#SpiritOfCricket #TeamIndia members rush to find out if Mohammad Mithun is fine after getting hit on the helmet. #PinkBallTest pic.twitter.com/zPUBqX5Zap

— BCCI (@BCCI) November 23, 2019

డే 2: టీ విరామానికి బంగ్లాదేశ్ 7/2

ఈడెన్ గార్డెన్స్ వేదికగా భారత్‌తో జరుగుతున్న తొలి డే నైట్ టెస్టు మ్యాచ్‌లో టీ విరామానికి బంగ్లాదేశ్ 2 వికెట్లు కోల్పోయి 7 పరుగులు చేసింది. ప్రస్తుతం టీమిండియా 234 పరుగుల ఆధిక్యంలో ఉంది.

That will be Tea on Day 2 of the #PinkBallTest

Ishant has been magnificent, and Bangladesh simply haven't had a response. #TeamIndia 8 wickets away from victory. pic.twitter.com/sKp5PwWxkl

— BCCI (@BCCI) November 23, 2019

4 పరుగులకే రెండు వికెట్లు కోల్పోయిన బంగ్లా

ఇషాంత్ శర్మ మరోసారి చెలరేగాడు. జట్టు స్కోరు 2 పరుగుల వద్ద బంగ్లాదేశ్ కెప్టెన్ మొమినుల్ హాక్ ఇషాంత్ శర్మ బౌలింగ్‌లో వికెట్ కీపర్ వృద్ధిమాన్ సాహాకు క్యాచ్ ఇచ్చి డకౌట్‌గా వెనుదిరిగాడు. దీంతో 4 పరుగులకే బంగ్లాదేశ్ రెండు వికెట్లు కోల్పోయి కష్టాల్లో పడింది.

Make it 2 wickets for @ImIshant in the 2nd innings. 8 more to go 💪💪

Bangladesh 2/2 https://t.co/kcGiVn0lZi #PinkBallTest pic.twitter.com/xxV6seTle3

— BCCI (@BCCI) November 23, 2019

తొలి ఓవర్‌లోనే వికెట్ తీసిన ఇషాంత్

రెండో ఇన్నింగ్స్‌ను ప్రారంభించిన బంగ్లాదేశ్ జట్టుని తొలి ఓవర్‌లోనే టీమిండియా పేసర్ ఇషాంత్ శర్మ దెబ్బకొట్టాడు. 347/9 వద్ద భారత్ తొలి ఇన్నింగ్స్‌ను డిక్లేర్ చేసిన తర్వాత రెండో ఇన్నింగ్స్‌ను ప్రారంభించిన బంగ్లాదేశ్‌ను తొలి ఓవర్ ఐదో బంతికి ఓపెనర్ షద్మాన్ ఇస్లాం (0)ను పెవిలియన్ పంపాడు. దీంతో బంగ్లాదేశ్ ఖాతా తెరవకుండానే వికెట్ కోల్పోయింది.