'పంత్, శంకర్ ప్రదర్శన నన్ను నిరాశపరిచింది'

రిషబ్ పంత్, విజయ్ శంకర్ ప్రదర్శనపై

ఈ నేపథ్యంలో సంజయ్ మంజ్రేకర్ మాట్లాడుతూ "రిషబ్ పంత్, విజయ్ శంకర్ ప్రదర్శన నన్ను నిరాశపరిచింది. సత్తా నిరూపించుకునేందుకు వారికి అద్భుతమైన అవకాశం దక్కింది. అయినా దాన్ని వారు సద్వినియోగం చేసుకోలేకపోయారు. కనీసం విజయ్ శంకర్ బ్యాట్‌తోనైనా ఫర్వాలేదనిపించాడు. పంత్‌ అది కూడా లేదు" అని అన్నాడు.

గాల్లోకి భారీ షాట్లు కొట్టాల్సిన అవసరం లేదు

"విజయ్‌ శంకర్‌, పంత్‌లు భారీ షాట్లు ఆడవచ్చు. అందుకు గాల్లోకి భారీ షాట్లు కొట్టాల్సిన అవసరం లేదు. హిట్టింగ్‌నే ఎక్కువగా ఆశ్రయించకుండా.. మైదానం నలువైపులా బంతిని తరలిస్తూ పరుగులు రాబట్టడమెలాగో? కెప్టెన్ విరాట్ కోహ్లీని చూసి వారు నేర్చుకోవాలి. వరల్డ్ కప్‌లో మిడిలార్డర్ ఎంతో కీలకం" అని చెప్పుకొచ్చాడు.

సమస్య ఏదైనా ఉంటే అది మిడిలార్డర్

"వరల్డ్‌కప్‌ ముందు భారత జట్టులో కొట్టిచ్చినట్లు కనబడిన సమస్య ఏదైనా ఉంటే అది మిడిలార్డర్. టీమిండియా అక్కడ ఎక్కువ దృష్టి సారించాలి. మరోవైపు ఈ సిరీస్‌లో ఆద్యంతం ఆకట్టుకున్న ఆసీస్‌కు సిరీస్‌ గెలవడానికి అన్ని అర్హతలు ఉన్నాయి. వారు భారత్‌కు ఎందుకొచ్చారో అది చేసి చూపించారు" అని మంజ్రేకర్ అన్నాడు.