వారి బౌలింగ్లో ఇబ్బంది పడ్డా:
నేను ఎదుర్కొన్న కష్టమైన బౌలర్లలో మురళీ ధరన్ ఒకరు. అతను బౌలింగ్లో చాలా ఇబ్బంది పడేవాడిని. ఒక్కోసారి అతను విసిరే దూస్రాలకు నా వద్ద సమాధానం ఉండకపోయేది. గ్లెన్మెక్ గ్రాత్ కూడా చాలా ఇబ్బంది పెట్టాడు. విదేశీ ఆటగాళ్లలో ఆసీస్ మాజీ కెప్టెన్ రికీ పాంటింగ్ అంటే ఇష్టం. పాంటింగ్ బ్యాటింగ్ చాలా ఇష్టం. వెస్టిండీస్ యూనివర్సల్ బాస్ క్రిస్గేల్, దక్షిణాఫ్రికా మాజీ ఆటగాడు ఏబీ డివిలియర్స్లతో కలిసి ఆడటాన్ని ఎంతో ఆస్వాదించా' అని యువీ పేర్కొన్నారు.
గతేడాదే తప్పుకోవాలనుకున్నా:
'గతేడాదే ఐపీఎల్ నుంచి తప్పుకోవాలనుకున్నా. అది కుదరలేదు. ఇటీవల ముగిసిన ఐపీఎల్లో మరిన్ని అవకాశాలు రాలేదు. జీవితంలో అనుకున్నవన్నీ జరగవు కదా. ఈ ఐపీఎల్లో మరిన్ని మ్యాచ్లు ఆడింటే ఇంకా సంతోషంగా రిటైరయ్యేవాడిని' అని యువీ తెలిపారు. ఈ ఐపీఎల్లో ముంబయి ఇండియన్స్ తరపున యువీ నాలుగు మ్యాచ్ల్లోనే ఆడాడు. అందులో ఒక అర్ధ శతకం సాధించాడు.
304 వన్డేలు.. 8701 పరుగులు
యువీ మొత్తం 40 టెస్ట్ మ్యాచ్లు ఆడి 1900 పరుగులు చేశాడు. ఇందులో 3 సెంచరీలు, 11 హాఫ్ సెంచరీలు ఉన్నాయి. 304 వన్డే మ్యాచ్ల్లో 8701 పరుగులు చేశాడు. 14 సెంచరీలు, 52 హాఫ్ సెంచరీలు ఉన్నాయి. ఇక 58 టీ20 మ్యాచ్లు ఆడిన యువీ.. 1177 పరుగులు చేశాడు. 8 ఆఫ్ సెంచరీలు నమోదు చేశాడు.
టీ20 టోర్నీలలో:
రిటైర్మెంట్ ప్రకటించిన యువీ.. ఐసీసీ అనుమతి పొందిన కెనడా, హాలెండ్, ఐర్లండ్లలో జరిగే టీ20 టోర్నీలలో ఆడనున్నాడు. ఈ మేరకు బీసీసీఐ సీనియర్ అధికారి ఓ ప్రకటనలో తెలిపారు. 2012లో చివరిగా టెస్టు మ్యాచ్ ఆడిన యువీ.. 2017లో చివరి వన్డే, టీ20 ఆడాడు. ఇక ఐపీఎల్-12లో ముంబై ఇండియన్స్ తరపున ఆడినా.. పెద్దగా ఆకట్టుకోలేదు. లీగ్ ఆరంభంలో 4 మ్యాచ్లలో ఆడి 98 పరుగులు చేసాడు. మొత్తంగా 132 ఐపీఎల్ మ్యాచ్లాడిన యువీ.. 129.71 స్ట్రైక్రేట్తో 2750 పరుగులు చేశాడు.