తొలి టీ20లో భారత్ ఓటమికి ప్రధాన కారణం వెల్లడించిన భజ్జీ

పాండ్యా సరైన స్పిన్నర్‌ కాదు

"అసలు కృనాల్ పాండ్యా సరైన స్పిన్నర్‌ కాదని, బంతిని స్పిన్‌ చేయలేడని, కేవలం వేగంగా మాత్రమే బంతులు విసురుతాడు. ఇక ఆరోస్థానంలో బ్యాటింగ్‌ కోసం నాణ్యమైన స్పిన్నర్‌ను పక్కకు పెట్టి కృనాల్‌ను జట్టులోకి తీసుకోవడం ఘోర తప్పిదం. కృనాల్‌ను ఏ ఉద్దేశంతో జట్టులోకి తీసుకున్నారో టీమ్‌ మేనేజ్‌మెంట్‌కైనా క్లారిటీ ఉందా? అని" భజ్జీ ప్రశ్నించాడు.

కృనాల్‌ను తప్పించి అతడి స్థానంలో చాహల్‌కు అవాకాశం

ఇక, శుక్రవారం జరిగే రెండో టీ20లోనైనా కృనాల్‌ను తప్పించి అతడి స్థానంలో చాహల్‌కు అవాకాశం ఇవ్వాలని భజ్జీ సూచించాడు. "మెల్‌బోర్న్ క్రికెట్ గ్రౌండ్‌లో జరిగే రెండో టీ20లోనైనా కృనాల్ పాండ్యా స్థానంలో చాహల్‌ను మనం చూడొచ్చని అనుకుంటున్నా" అని హర్భజన్ అన్నాడు.

అసహనం వ్యక్తం చేసిన హర్భజన్ సింగ్

ఇక, బ్యాటింగ్‌ మార్పులపై కూడా హర్భజన్ అసహనం వ్యక్తం చేశాడు. తొలి టీ20లో కేఎల్‌ రాహుల్‌ మూడో స్థానంలో బ్యాటింగ్‌కు రావడం కూడా ఆసీస్‌కు కలిసొచ్చిందని అన్నాడు. 12 బంతులు ఎదుర్కొన్న కేఎల్ రాహుల్ కేవలం 13 పరుగులు మాత్రమే చేసి పెవిలియన్‌కు చేరాడు.

నాలుగో స్థానంలో బ్యాటింగ్‌కు వచ్చిన కేఎల్ రాహుల్

కేఎల్ రాహుల్ మూడో స్థానంలో బ్యాటింగ్‌కు రావడంతో కెప్టెన్ కోహ్లీ నాలుగో స్థానంలో బ్యాటింగ్‌కు వచ్చాడు. నాలుగో స్థానం రాహుల్‌కు తగదనుకుంటే అతడిని పక్కకు పెట్టి అంబటి రాయుడుని జట్టులోకి తీసుకుంటే బాగుంటుందని హర్భజన్ సింగ్ సూచించాడు.

నాలుగో స్థానానికి అంబటి రాయుడు చక్కగా సెట్‌ అయ్యాడు

వన్డేల్లో నాలుగో స్థానానికి అంబటి రాయుడు చక్కగా సెట్‌ అయ్యాడని, టీ20ల్లో కూడా ఆ స్థానంలో రాణిస్తాడనే నమ్మకం ఉందని చెప్పాడు. వచ్చే ఏడాది జరగనున్న వరల్డ్ కప్ దృష్ట్యా స్పిన్నర్లపై సెలక్టర్లు ఓ అభిప్రాయానికి రావాలని సూచనలిచ్చాడు. చాహల్‌ను వరల్డ్ కప్‌లో ఆడించాలనుకుంటే ఆస్ట్రేలియా పర్యటనలో తగినన్ని అవకాశాలివ్వాలని భజ్జీ అన్నాడు.