'రాహుల్‌ను జట్టు నుంచి వేటు వెయ్యండి'

ఫించ్‌కి సులువైన క్యాచ్ ఇచ్చిన రాహుల్

ఆఫ్ స్టంప్‌కి వెలుపలగా పడిన బంతిని వెంటాడిన రాహుల్.. థర్డ్ స్లిప్‌లో ఫీల్డర్ అరోన్ ఫించ్‌కి సులువైన క్యాచ్ ఇచ్చి ఔటయ్యాడు. టెస్టుల్లో రాణిస్తాడని భావించి ఇటీవల ఇంగ్లాండ్ గడ్డపై అవకాశం కల్పించినా ఫెయిలైయ్యాడు కేఎల్ రాహుల్. ఇదే విధంగా వెస్టిండీస్‌తో ముగిసిన 2 టెస్టు మ్యాచ్‌ల సిరీస్‌లోనూ విఫలమైన విషయం తెలిసిందే.

క్రీజులో కుదురుకోనివ్వని షాట్ సెలక్షన్స్

అడిలైడ్ టెస్టు‌లో భారత్ రెండో ఇన్నింగ్స్‌లోనూ కేఎల్ రాహుల్ ఫెయిలైతే.. అతడ్ని రెండో టెస్టు నుంచి తప్పించాలి. ఎందుకంటే.. వరుసగా విఫలమవుతుండటంతో ఇప్పుడు అతనిలో ఏమాత్రం ఆత్మవిశ్వాసం కనిపించడం లేదు. ఆఫ్ స్టంప్‌కి వెలుపల పడిన బంతిని వెంటాడటం అతని బలహీనతగా మారిపోయింది. దీనికి తోడు.. పేలవ షాట్ సెలక్షన్‌ అతడ్ని క్రీజులో కుదురుకోనివ్వడం లేదు. కనీసం ఇప్పటికైనా.. తప్పిదాలను దిద్దుకోవాలనే ఆలోచన అతనికి ఉన్నట్లు నాకు అనిపించడం లేదు

ఇంత నాసిరకంగా ఔటవుతారా?

ఒక టెస్టు మ్యాచ్‌కు ఆడేటప్పుడు ఇలాగేనా ఆడేది. ఔట్ సైడ్‌ ఆఫ్‌ స్టంప్‌ బంతులకు వికెట్లు సమర్పించుకుంటారా?. వదిలేయాల్సిన బంతులపైకి వెళ్లి మరీ వికెట్లు చేజార్చుకోవడమేంటి. కోకోబుర్రా బంతులు కేవలం కొన్ని ఓవర్లు పాటే స్వింగ్‌ కావడానికి సహకరిస్తాయి. అటువంటప్పుడు దాన్ని ఉపయోగించుకోవడం మానేసి ఇంత నాసిరకంగా ఔటవుతారా?