Click it and Unblock the Notifications
మిథాలీరాజ్‌ సూచనను పరిగణనలోకి
‘కోచ్ ఎంపికలో సీనియర్‌ క్రికెటర్ల అభిప్రాయాలను గౌరవించాలన్న ఎడుల్జీ వాదన ప్రకారం చూస్తే.. జట్టులో అత్యంత సీనియర్‌‌గా కొనసాగుతున్న మిథాలీరాజ్‌ సూచనను కూడా పరిగణనలోకి తీసుకోవాలి కదా' అంటూ డయానాకు పంపిన ఈమెయిల్‌లో రాయ్‌ గట్టి కౌంటర్‌ ఇచ్చారు. అంతకుముందు జరిగిన వాదనలో డయానా.. కోహ్లీ అడిగారని కోచ్‌గా రవిశాస్త్రి దరఖాస్తు గడువును కూడా పెంచారని విమర్శించారు. ఈ క్రమంలో జెంటిల్‌మన్ అయిన అనిల్ కుంబ్లేను సైతం విలన్‌గా చూపించేందుకు వ్యూహాలు రచనలు చేశారని అన్నారు.
మిథాలీని అందరం కావాలనే తప్పించాం
ఇక మిథాలీ విషయానికొస్తే.. తనను జట్టులో వివక్షకు గురిచేస్తున్నారని సమానంగా చూడటం లేదంటూ సోషల్ మీడియా వేదికగా వాపోయారు. ఈ నేపథ్యంలో భారత మహిళా జట్టు కెప్టెన్ హర్మన్ప్రీత్ కౌర్ స్పందిస్తూ.. మిథాలీని జట్టులో ఎంచుకోకపోవడంలో కోచ్ పొవార్ నిర్ణయమే తుది నిర్ణయం కాదని సమష్టిగానే తీసుకున్నట్లు చెప్పుకొచ్చింది.
మిథాలీతో రోజూ మాట్లాడతా
వినోద్ రాయ్‌, డయానాల మధ్య మెయిల్‌ల యుద్ధం జరుగుతుండగా.. మొత్తం వివాదానికి కారకుడైన రమేష్‌ పొవార్ బుధవారం ఇలా మాట్లాడారు. మిథాలీతో తనకు వివాదం లేదన్నాడు. ‘మిథాలీకి నాకు పొసగడం లేదనడం సరికాదు. మిగతా ప్లేయర్లతోపాటు మిథాలీతో రోజు మాట్లాడుతుంటాను' అని తెలిపాడు. పొవార్.. రెండ్రోజుల ముందు మాట్లాడినప్పడు హర్మన్ప్రీత్ కౌర్, స్మృతి మంధానలు అడిగినందుకు బాగుండదేమోనని మాత్రమే దరఖాస్తు చేశానని పేర్కొన్నాడు.
