పాంటింగ్ మాట్లాడుతూ
అయితే, ఇంగ్లాండే ఎందుకు తన ఫేవరేటే కూడా పాంటింగ్ వెల్లడించాడు. పాంటింగ్ మాట్లాడుతూ "ఇందుకు రెండు కారణాలు ఉన్నాయి. గత కొన్నేళ్లుగా పరిమిత ఓవర్ల ఫార్మాట్లో ఇంగ్లాండ్ అద్భుత ప్రదర్శన చేస్తోంది. బలమైన బ్యాటింగ్ లైనప్తో ఇంగ్లండ్ బలంగా కనిపిస్తోంది. సొంత గడ్డపై ఆడుతుండడం ఆ జట్టుకు సానుకూల అంశం. అదే విధంగా 7వ నెంబర్ వరకు దాటిగా బ్యాటింగ్ చేయడం కలిసొచ్చే అంశం. ఇండియా, ఆస్ట్రేలియా జట్ల నుంచి గట్టి పోటీని ఎదురుకునే అవకాశం ఉంది" అని పాంటింగ్ తెలిపాడు.
ఇది ఓపెన్ వరల్డ్కప్
ఇంగ్లాండ్ వేదికగా జరగనున్న వరల్డ్కప్ రౌండ్ రాబిన్ పద్ధతిలో జరగడం కూడా ఆతిథ్యజట్టుకు కలిసిరానుంది. ఈ విధానంలో టోర్నీలో పాల్గొనే జట్లు మొత్తం తొమ్మిది మ్యాచ్లు ఆడాల్సి ఉంటుంది. ఈ నేపథ్యనంలో పాకిస్థాన్, వెస్టిండిస్, దక్షిణాఫ్రికా లాంటి జట్లను కూడా తక్కువ అంచనా వేయడానికి వీల్లేదని పాంటింగ్ చెప్పాడు. "ఈ జట్లు కూడా అద్భుతంగా ఉన్నాయి. ఇది ఓపెన్ వరల్డ్కప్. ఇంగ్లాండ్ టైటిల్ ఫేవరేట్" అని పాంటింగ్ అన్నాడు.
ఐదు వన్డేల సిరిస్ను 4-0తో
వరల్డ్కప్కు ముందు పాకిస్థాన్తో ముగిసిన ఐదు వన్డేల సిరిస్ను 4-0తో కైవసం చేసుకుని ఇంగ్లాండ్ టైటిల్ ఫేవరేట్ జట్టలో ఒకటిగా బరిలోకి దిగుతోంది. ఆదివారం లీడ్స్ వేదికగా జరిగిన ఐదో వన్డేలో 54 పరుగుల తేడాతో పాక్ను ఓడించి ఐదు వన్డేల సిరిస్ను సొంతం చేసుకుంది. ఐసీసీ ర్యాంకుల్లో ఇంగ్లాండ్ అగ్రస్థానంలో కొనసాగుతోంది. మే30 నుంచి జులై 14వరకు జరగనున్న ఈ మెగా టోర్నీలో మొత్తం 10 జట్లు పాల్గొంటున్నాయి.
11 వేదికల్లో 46 రోజుల పాటు మొత్తం 48 మ్యాచ్లు
యుకేలోని మొత్తం 11 వేదికల్లో 46 రోజుల పాటు మొత్తం 48 మ్యాచ్లు జరగనున్నాయి. డే మ్యాచ్లు అన్ని కూడా భారత కాలమానం ప్రకారం మధ్యాహ్నాం 2.30 గంటలకు ప్రారంభమవుతాయి. ఇక, డే/నైట్ మ్యాచ్లు మాత్రం భారత కాలమానం ప్రకారం సాయంత్రం 5.30 గంటలకు ప్రారంభమవుతాయి. 1975 నుంచి 1987 మధ్య జరిగిన నాలుగు వరల్డ్కప్ల్లో జట్లను గ్రూప్లుగా విభజించి మ్యాచ్లు నిర్వహించారు.
రౌండ్ రాబిన్ పద్ధతిలో
అయితే, మే30 నుంచి ఆరంభమయ్యే 12వ ఎడిషన్ వరల్డ్కప్ను మాత్రం రౌండ్ రాబిన్ పద్ధతిలో నిర్వహిస్తున్నారు. పాయింట్ల పట్టికలో తొలి నాలుగు స్థానాల్లో నిలిచిన జట్లు సెమీస్కు అర్హత సాధిస్తాయి. జులై 14న జరిగే వరల్డ్కప్ ఫైనల్ మ్యాచ్కి ప్రఖ్యాత లార్డ్స్ క్రికెట్ గ్రౌండ్ ఆతిథ్యమివ్వనుంది.