Click it and Unblock the Notifications
6వన్డేలకు ఆరింటిలోనూ విజయం
ఫైనల్‌ మ్యాచ్‌ను చెన్నైలో గెలిచింది. ధోనీ గైర్హాజరీతో జట్టును విజయవంతంగా నడిపించడంలో తొలిసారి విజయాన్ని అందుకున్నాడు గంభీర్. సంవత్సరం తర్వాత అదే వేదికగా వెస్టిండీస్‌తో ఆడిన మ్యాచ్‌లో మరోసారి ఆడి గెలిచి సత్తా చాటుకున్నాడు. ఇలా గంభీర్ 6వన్డేలకు నాయకత్వం వహించి ఆరింటిలోనూ విజయం సాధించాడు. ఇలా ఒకే ఒక్క టీమిండియా కెప్టెన్ ఆడిన అన్నీ మ్యాచ్‌లను వంద శాతం విజయాలతో ముగించాడు.
2003లో ఏప్రిల్‌లో తొలిసారి
దురదృష్టవశాత్తు గంభీర్‌కు టీ20, టెస్టులలో కెప్టెన్సీ వహించేందుకు అవకాశం దొరకలేదు. 2003లో ఏప్రిల్‌లో తొలిసారి భారత జట్టు తరఫున ఆడిన గంభీర్... 2016 నవంబర్‌లో రాజ్‌కోట్‌లో ఇంగ్లండ్‌పై తన ఆఖరి టెస్టు మ్యాచ్ ఆడాడు. అతని టి20 కెరీర్‌ 2012లో, వన్డే కెరీర్‌ 2013లోనే ముగిసింది. అంతర్జాతీయ క్రికెట్‌లో 10 వేలకు పైగా పరుగులు చేసిన గంభీర్ తన వీడ్కోలుపై.. ఆంధ్రతో ఢిల్లీ ఆడబోయే తర్వాతి రంజీ మ్యాచే నా కెరీర్‌లో ఆఖరిది.
ఇక సెలవు
నా కెరీర్‌ మొదలైన ఫిరోజ్‌ షా కోట్లాలోనే నా ప్రస్ధానం ముగియనుంది. రిటైర్మెంట్‌ ఆలోచన కొంతకాలంగా నన్ను వెంటాడుతోంది. చికాకు పరిచే అదనపు సరంజామాగా విమానాల్లోనూ నాతో ప్రయాణించింది. నాతోపాటు సాధనకూ వచ్చింది. నన్ను వెక్కిరిస్తూనే ఉంది. ఎవరో నా కథ రాస్తున్నారనేది నా భావన. ఐతే ఇప్పుడు సిరా అయిపోయింది. కానీ ఈ క్రమంలో కొన్ని మనోహరమైన అధ్యాయాలు రాశాడు. న్యూజిలాండ్‌లో సిరీస్ విజయం, ఆస్ట్రేలియాలో సీబీ సిరీస్ విజయం నా కథలో మధుర అధ్యాయాలే.
