Click it and Unblock the Notifications
|
పాక్‌ తరఫున 67 టెస్టులు
పాక్‌ తరఫున 67 టెస్టులు ఆడిన ఖాదిర్ 32.80 సగటుతో 236 వికెట్లు పడగొట్టాడు. ఇక, 104 వన్డేల్లో 132 వికెట్లు తీశాడు. కుంబ్లేలు, వార్న్‌లు లెగ్‌స్పిన్‌కు కేరాఫ్‌ అడ్రస్‌లుగా మారకముందు 80వ దశకంలో తన మణికట్టు మాయాజాలంతో ఖాదిర్ పాక్‌ జట్టుకు ఎన్నో అద్భుత విజయాలు అందించాడు.
|
లెగ్‌స్పిన్‌ బౌలింగ్‌కు ప్రత్యేక గుర్తింపు
ఇక లెగ్‌స్పిన్‌ బౌలింగ్‌కు ప్రత్యేక గుర్తింపు తెచ్చిన ఖాదిర్ గుగ్లీకి కూడా ఎంతో ప్రాచుర్యం తీసుకొచ్చాడు. 1987లో ఇంగ్లండ్‌పై ఒక ఇన్నింగ్స్‌లో ఖాదిర్ 56 పరుగులిచ్చి 9 వికెట్లు పడగొట్టాడు. పాకిస్తాన్‌ తరఫున ఇప్పటికీ ఇదే అత్యుత్తమ బౌలింగ్‌ ప్రదర్శన కావడం విశేషం. అబ్దుల్‌ ఖాదిర్ బౌలింగ్‌ శైలిని అనుకరిస్తూ ముస్తాక్‌ అహ్మద్‌ అంతర్జాతీయ ఖ్యాతి పొందడం విశేషం.
ఖాదిర్ ఎప్పటికీ గుర్తుండిపోతాడు
ఇక భారత క్రికెట్‌ అభిమానులకు ఖాదిర్ ఎప్పటికీ గుర్తుండిపోతాడు. 1989లో ఓ ఎగ్జిబిషన్‌ మ్యాచ్‌లో ఖాదిర్ బౌలింగ్‌లో 16 ఏళ్ల సచిన్‌ టెండూల్కర్‌ (6, 0, 4, 6, 6, 6) విరుచుకుపడి ఏకంగా 28 పరుగులు రాబట్టాడు. 2009లో చీఫ్ సెలెక్టర్‌గా పనిచేశారు. ఆ సమయంలో పాక్‌ జట్టు ఇంగ్లండ్‌లో జరిగిన టీ20 వరల్డ్‌క్‌పను కైవసం చేసుకోవడం విశేషం.
ఆస్ట్రేలియా జట్టుకు ఎంపికయ్యే అవకాశాలు
ఖాదిర్ బాటలోనే క్రికెట్‌లోకి అడుగు పెట్టిన అతనికి నలుగురు కుమారులు రెహమాన్, ఇమ్రాన్, సులేమన్ , ఉస్మాన్‌ కూడా ఫస్ట్‌ క్లాస్‌ స్థాయిలో ఆడారు. ఉస్మాన్‌ కూడా గత సీజన్లో బిగ్ బాష్ టీ 20 లీగ్‌లో కనిపించాడు. ఉస్మాన్‌ త్వరలో ఆస్ట్రేలియా జట్టుకు ఎంపికయ్యే అవకాశాలు ఉన్నాయి. అలాగే ప్రస్తుతం పాక్‌ జట్టుకు ఆడుతున్న ఉమర్ అక్మల్.. ఖాదిర్‌కు స్వయానా అల్లుడు. ఖాదిర్ మృతిపై మాజీ క్రికెటర్లు, అభిమానులు తీవ్ర సంతాపం వ్యక్తం చేశారు.
