ఎక్కువ మాంసాహారం తినండి
బంగ్లాదేశ్ ప్రీమియర్ లీగ్లో కామెరూన్ డెల్పోర్ట్ రంగ్పూర్ రేంజర్స్ జట్టుకు ప్రాతినిథ్యం వహిస్తున్నాడు. తాజాగా ఓ క్రికెట్ ఛానల్కు ఇచ్చిన ఇంటర్యూలో కామెరూన్ డెల్పోర్ట్ మాట్లాడుతూ "ఎక్కువ మాంసాహారం తినండి(బౌండరీ లైన్ పైనుంచి బంతిని హిట్ చేయాలంటే)" అని అన్నాడు.
నేను ఫిట్గా ఉండటానికి కారణం
"నేను ఫిట్గా ఉండటమే కాకుండా బలంగా షాట్లు కొడుతున్నానంటే అందుకు మాంసాహారమే కారణం. క్రికెట్లో మరింత శ్రమించి ఫలితాలు రాబట్టాలంటే మీరు కష్టపడి పని చేయాలి ఆ తర్వాత ఫలితం అదే వస్తుంది. బంగ్లాదేశ్లో బంతి ఎక్కువ బౌన్స్ కాదు. తక్కువ ఎత్తులోనే వస్తుంది. అదే దక్షిణాఫ్రికాలో అయితే కచ్చితమైన బౌన్స్ ఉంటుంది" అని అన్నాడు.
నిజమైన బౌన్స్ కారణంగానే
"మా దక్షిణాఫ్రికా క్రికెటర్లు హిట్టర్లు కావడానికి మా ట్రూ బౌన్సే ఒక కారణం. నిజమైన బౌన్స్ కారణంగానే దక్షిణాఫ్రికాలో హిట్టర్లు ఉన్నారు. మరి బౌన్స్లేని బంగ్లాదేశ్లో భారీ హిట్లు చేయాలంటే కండరాలకు మరింత శక్తి కావాలి. అది మాంసాహారం వల్లే వస్తుంది. కాబట్టి, మాంసం ఎక్కువగా తినండి" అంటూ బంగ్లాదేశ్ క్రికెటర్లకు హితవు పలికాడు.