చివరి మూడు బంతుల్లో హ్యాట్రిక్
దర్శన్ నల్కండే, అక్షయ్ వాడ్కర్లు డకౌట్గా వెనుదిరిగారు. ఈ మ్యాచ్లో దీపక్ చాహర్(4/18)తో చెలరేగడంతో టాస్ గెలిచి తొలుత బ్యాటింగ్ చేసిన విదర్భ జట్టు నిర్ణీత 13 ఓవర్లలో 9 వికెట్లు కోల్పోయి 99 పరుగులు చేసింది. కాగా, నాగ్పూర్ వేదికగా ముగిసిన మూడో టీ20లో దీపక్ చాహర్ తన కోటా (3.2) పూర్తికాకముందే 6 వికెట్లు తన ఖాతాలో వేసుకున్నాడు.
నాగ్పూర్ టీ20లో ఇలా
తొలి ఓవర్లో 2 వికెట్లు తీసి కేవలం 1 పరుగు మాత్రమే ఇచ్చిన దీపక్.. తర్వాత ఓవర్లో వికెట్ తీయడంతో పాటు 4 పరుగులు ఇచ్చాడు. 18వ ఓవర్ చివరి బంతికి షఫీయుల్ వికెట్ను దీపక్ తీసాడు. ఇక 20వ ఓవర్ తొలి రెండు బంతులకు ముస్తఫిజుర్, అమీనుల్లను అవుట్ చేసి 'హ్యాట్రిక్'తో పాటు ప్రపంచ రికార్డును నమోదు చేసిన సంగతి తెలిసిందే.
టీ20ల్లో 'హ్యాట్రిక్' తీసిన తొలి బౌలర్గా
భారత్ తరఫున అంతర్జాతీయ టీ20ల్లో 'హ్యాట్రిక్' తీసిన తొలి బౌలర్గా దీపక్ చహర్ రికార్డుల్లోకి ఎక్కాడు. అయితే మొత్తంగా ఈ ఘనత సాధించిన 11వ బౌలర్ దీపక్. మలింగ (శ్రీలంక) రెండుసార్లు 'హ్యాట్రిక్' తీయగా.. బ్రెట్ లీ (ఆస్ట్రేలియా), ఓరమ్, సౌతీ (న్యూజిలాండ్), తిసారా పెరీరా (శ్రీలంక), అష్రఫ్ (పాకిస్తాన్), రషీద్ ఖాన్ (అఫ్గానిస్తాన్), హస్నయిన్ (పాకిస్తాన్), ఖవర్ అలీ (ఒమన్), వనువా (పపువా న్యూగినియా) తలొసారి హ్యాట్రిక్ తీశారు.