ఆగమాగం ఆడిస్తే ఇలాగే అయితది.. బుమ్రా ఇంజూరీ విషయమై బీసీసీఐని, వైద్యబృందాన్ని ఏకిపారేసిన డానిష్ కనేరియా

అతను హర్షల్ పటేల్ లాంటి బౌలర్ కాదు

జస్ప్రీత్ బుమ్రా.. హర్షల్ పటేల్ లాంటి బౌలర్ కాదని కనేరియా పేర్కొన్నాడు. బుమ్రా తన రిథమ్ కనుగొనడానికి పెద్దగా టైం తీసుకోవాల్సిన అవసరం లేదని కూడా కనేరియా పేర్కొన్నాడు. టీ20 ప్రపంచ‌కప్‌కు నేరుగా వచ్చి ఉంటే సరిపోయేదన్నాడు. ఎందుకంటే అతని అనుభవం వల్ల రిథమ్ అందుకోవడానికి పెద్ద టైం పట్టదని కనేరియా అన్నాడు. ఐపీఎల్‌లో బుమ్రా గాయాలతో ఎలాగోలా నెట్టుకొచ్చాడు. అది ఇప్పుడు ఎఫెక్ట్ చూపిస్తుందన్నట్లు కనేరియా పేర్కొన్నాడు.

వర్క్‌లోడ్ విషయంలో బీసీసీఐ విధానమిదేనా?

బుమ్రా వర్క్ లోడ్ విషయంలో బీసీసీఐ వ్యవహరిస్తున్న విధానాన్ని పూర్తిగా ఎండగట్టాడు. బుమ్రా మళ్లీ గాయపడే విషయంలో వైద్యబృందం పాత్రను కూడా ప్రశ్నించాడు. పూర్తిగా కోలుకోకుండానే బుమ్రాను తిరిగి జట్టులోకి ఎలా రానిచ్చారో అంటూ ఆశ్చర్యపోయాడు. '2022 టీ20ప్రపంచకప్‌ టైంకు అతను నేరుగా జట్టులోకి వచ్చి ఉంటే బాగుండేది. అతను తిరిగి లయలోకి రావడానికి ప్రాక్టీస్ మ్యాచ్‌లు ఆడేవాడు. అతను హర్షల్ పటేల్ లేదా మరే ఇతర బౌలర్ లాంటివాడు కాదు. తిరిగి గాడిలో పడడానికి టైం తీసుకోవడానికి' అని కనేరియా తన యూట్యూబ్ ఛానెల్‌లో పేర్కొన్నాడు.

వెన్నెముక ఫ్రాక్చర్‌కు సర్జరీ..

బుమ్రా వెన్నెముక ఫ్రాక్చర్‌కు సర్జరీ చేయించుకోవాల్సిన అవసరం ఏర్పడింది. సర్జరీ చేయించుకుంటే మాత్రం బెడ్ రెస్ట్ తప్పక అవసరమౌతుంది. కనీసం ఆరు నెలల పాటు అతను క్రికెట్‌కు దూరం కావాల్సిన పరిస్థితి రావొచ్చు. ఈ ఆరు నెలల వ్యవధిలో జరిగే ఏ సిరీస్‌కు కూడా ఈ స్టార్ పేస్ బౌలర్ అందుబాటులో ఉండే అవకాశాలు ఎంత మాత్రం లేవు. స్వదేశంలో జరిగే ఆస్ట్రేలియాతో జరిగే టెస్ట్ సిరీస్‌కు కూడా అతను అందుబాటులో ఉండటం అనుమానమే.