40వ ఓవర్ వేసిన చాహల్ బౌలింగ్లో
సఫారీ ఇన్నింగ్స్లో 40వ ఓవర్ వేసిన చాహల్ బౌలింగ్లో ధోనీ దక్షిణాఫ్రికా బ్యాట్స్మెన్ ఫెలుక్వాయోను స్టంపౌట్ చేశాడు. ఆ సమయంలో రీప్లేలో ధోనీ గ్లౌజ్లకు ‘బలిదాన్ బ్యాడ్జ్' గుర్తు కనిపించడంతో ఈ ఫొటోలు సోషల్ మీడియాలో వైరల్గా మారాయి. దీంతో ఈ లోగోతో ధోని తన దేశభక్తిని, ఆర్మీపై ఉన్న అభిమానాన్ని చాటుకున్నాడని, భారత అభిమానులు కొనియాడుతూ పెద్ద ఎత్తున రీట్వీట్లు చేశారు.
‘బలిదాన్ బ్యాడ్జ్' పై పాక్ అభ్యంతరం
మరోవైపు ఐసీసీ సైతం ‘బలిదాన్ బ్యాడ్జ్' పై అభ్యంతరం తెలిపింది. ధోనీ గ్లౌజులపై బలిదాన్ గుర్తు క్రికెట్ నిబంధనలకు విరుద్ధం. ఆ గుర్తు తొలగించాలని ఐసీసీ స్ట్రాటజిక్ కమ్యూనికేషన్స్ జీఎం క్లైర్ ఫోర్లాంగ్ బీసీసీఐని కోరారు. 'ఐసీసీ నిబంధనల ప్రకారం అంతర్జాతీయ క్రికెట్ మ్యాచ్ల్లో ఆటగాళ్ల దుస్తులు, కిట్ సామాగ్రిపై.. జాతి, మత, రాజకీయ సందేశాత్మక గుర్తులు ఉండరాదు. బీసీసీఐని ఆ గుర్తు తీయించాలని కోరాం' అని ఫర్లాంగ్ వెల్లడించారు.
ధోనీకి శిక్ష విధిస్తారా?
కాగా ఐసీసీ నిబంధనలను ఉల్లంఘించినందుకు ధోనీకి శిక్ష విధిస్తారా అని ఫర్లాంగ్ను అడగ్గా.. 'మొదటి ఉల్లంఘన కాబట్టి కేవలం గుర్తు తొలగించాలని కోరాం. చర్యలు తీసుకోలేదు' అని ఫోర్లాంగ్ తెలిపారు. ఐసీసీ నిబంధనలతో ఇకపై.. వచ్చే మ్యాచ్లలో ధోనీ బలిదాన్ గుర్తు గ్లౌజ్లు వాడడు. టీమిండియా ఆదివారం ఆస్ట్రేలియాతో తలపడునుంది.
ప్రత్యేక దళాల విలక్షణ చిహ్నం
ప్రత్యేక దళాల విలక్షణ చిహ్నమైన ‘బలిదాన్ బ్యాడ్జ్'. పారాచూట్ రెజిమెంట్లో ఓ భాగం. రెండు కత్తులు కనిపించేలా ఉంటే ఈ చిహ్నంపై దేవనగరి లిపిలో బలిదాన్ అని రాసి ఉంటుంది. పారామిలిటరీ కమాండోలు మాత్రమే ఈ బ్యాడ్జ్ ధరించాడినికి అనుమతినిస్తారు. 2011లో ధోని పారాచూట్ రెజిమెంట్లో గౌరవ లెఫ్టినెంట్ కల్నల్ హోదా పొందిన సంగతి తెలిసిందే.