స్టీవ్ బక్నర్ రికార్డు బద్దలు:
అలీమ్ దార్ ఇప్పటికే 128 టెస్టు మ్యాచ్లకు అంపైరింగ్ బాధ్యతలు నిర్వర్తించారు. గురువారం పెర్త్ వేదికగా ఆస్ట్రేలియా-న్యూజిలాండ్ జట్ల మధ్య తొలి టెస్టు మ్యాచ్ ప్రారంభం అయింది. ఇది అలీమ్ దార్కు 129వ టెస్టు మ్యాచ్. దీంతో వెస్టిండీస్ అంపైర్ స్టీవ్ బక్నర్ (128) పేరిట ఉన్న అత్యధిక టెస్టు మ్యాచ్ల అంపైరింగ్ రికార్డును అలీమ్ దార్ బద్దలు కొట్టారు.
2003లో కెరీర్ ఆరంభం:
పాకిస్తాన్లో దశాబ్దానికి పైగా ఫస్ట్క్లాస్ క్రికెట్ ఆడిన 51 ఏళ్ల అలీమ్ దార్.. దేశం తరపున మాత్రం ఒక్క మ్యాచ్ కూడా ఆడలేదు. అలీమ్ తన అంపైరింగ్ కెరీర్ను 2003లో ప్రారంభించారు. ఇంగ్లండ్-బంగ్లాదేశ్ జట్ల మధ్య ఢాకాలో జరిగిన మ్యాచ్ అలీమ్కు మొదటిది. తన కెరీర్లో 207 వన్డేలకు, 46 టీ20లకు అంపైర్గా పనిచేసారు. 1989-2009 మధ్య కాలంలో స్టీవ్ బక్నర్ 128 టెస్టులు, 181 వన్డేలకు అంపైర్గా పని చేశారు.
ఎన్నో ఘనతలు చూశా:
అలీమ్ దార్ వన్డేల్లో అంపైరింగ్ రికార్డును బద్దలు కొట్టడానికి ఇంకా మూడు మ్యాచ్ల దూరంలో ఉన్నారు. దక్షిణాఫ్రికాకు చెందిన రూడీ కోర్టెజన్ 209 వన్డేలకు అంపైర్గా చేసి అగ్ర స్థానంలో ఉన్నారు. మ్యాచ్ ముందు అలీమ్ దార్ మాట్లాడుతూ... 'చాలా సంతోషంగా ఉంది. ఈ రికార్డు సాధిస్తానని అనుకోలేదు. ఇది నా కెరీర్లో ఒక మైలురాయి. ఇన్నేళ్లలో ఎన్నో ఘనతలు చూశా. బ్రియాన్ లారా 400 పరుగులు, 434 పరుగుల వన్డే లక్ష్యాన్ని దక్షిణాఫ్రికా ఛేజింగ్ చేయడం చూశా' అని తెలిపారు.