డేవిడ్ వార్నర్
డేవిడ్ వార్నర్ రెండవ ప్రాక్టీస్ సెషన్లో గాయపడ్డాడు. వార్నర్ కుడి తొంటిలో గాయమైంది. దీంతో శ్రీలకంతో జరిగిన వార్మప్ మ్యాచ్ ఆడలేదు. ఇక బుధవారం ఆసీస్ నిర్వహించిన ప్రాక్టీస్ సెషన్లో కూడా వార్నర్ పాల్గొనలేదు. ఈ నేపథ్యంలో గురువారం వార్నర్కు ఫిట్నెస్ టెస్ట్ నిర్వహించగా.. అతను అన్ఫిట్ అని తేలినట్లు సమాచారం తెలుస్తోంది. దీంతో అఫ్గానిస్తాన్తో జరిగే తొలి ప్రపంచకప్ మ్యాచ్కు వార్నర్ దూరమయ్యే అవకాశం ఉంది.
వార్నర్ కుడి తొంటిలో గాయమైంది
'వార్నర్ కుడి తొంటిలో గాయమైంది, నొప్పి కారణంగా వార్నర్ ఇబ్బంది పడుతున్నాడని' ఆసీస్ కోచ్ జస్టిన్ లాంగర్ మీడియాకు సమాచారం ఇచ్చాడు. 'వార్నర్ టోర్నీలో 15 మంది ఆటగాళ్లకు అవకాశం రావాలని కోరుకుంటాడని' జస్టిన్ తెలిపాడు. వార్నర్ గాయంతో ఎలా ముందుకు వెళ్లాలో వ్యూహాలు రచిస్తున్నామని ఆయన తెలిపాడు.
తలనొప్పిగా మారనుంది
అయితే వార్నర్ తొలి మ్యాచ్ కల్లా కోలుకోకపోతే తుది జట్టు ఎంపిక ఆసీస్ టీమ్ మేనేజ్మెంట్కు ఓ పెద్ద తలనొప్పిగా మారనుంది. శ్రీలంకతో జరిగిన వార్మప్ మ్యాచ్లో వార్నర్ గైర్హాజరితో ఉస్మాన్ ఖవాజా కెప్టెన్ ఆరోన్ ఫించ్తో కలిసి ఇన్నింగ్స్ ఆరంభించాడు. ఈ మ్యాచులో ఖవాజా గాయపడ్డ కూడా అద్భుతంగా బ్యాటింగ్ చేసాడు. అయితే మెగా టోర్నీలో కీలక ఆటగాడు దూరమవడం ఆసీస్ జట్టును కలవరపెడుతోంది. బాల్ ట్యాంపరింగ్ వివాదంతో ఏడాది పాటు నిషేదం ఎదుర్కొన్న వార్నర్.. ఐపీఎల్తో తన పునరాగమనాన్ని ఘనంగా చాటుకున్న విషయం తెలిసిందే.