పొలార్డ్‌ను 'వండర్ బాల్'‌తో పెవిలియన్‌కు చేర్చిన అఫ్రిది (వీడియో)

హైదరాబాద్: పాకిస్థాన్ సూపర్ లీగ్‌లో పాకిస్థాన్‌ మాజీ ఆటగాడు, ఆల్‌ రౌండర్‌ షాహిద్ అఫ్రీది బంతితో అద్భుత ప్రదర్శన చేస్తున్నాడు. టోర్నీలో భాగంగా ఆదివారం ముల్తాన్‌ సుల్తాన్స్‌ జట్టుతో జరిగిన మ్యాచ్‌లో తన బౌలింగ్‌తో విజృంభించాడు. ఈ మ్యాచ్‌లో మూడు కీలక వికెట్లు సాధించి జట్టు విజయంలో కీలక పాత్ర పోషించాడు.

ఆదివారం ముల్తాన్‌ సుల్తాన్స్‌, కరాచీ కింగ్స్‌ జట్ల మధ్య మ్యాచ్‌ జరిగింది. ఈ మ్యాచ్‌లో తొలుత బ్యాటింగ్ చేసిన కరాజీ కింగ్స్ నిర్ణీత ఓవర్లలో 188 పరుగులు చేసింది. ఆ తర్వాత 189 పరుగుల లక్ష్యంతో బరిలో దిగిన ముల్తాన్‌ జట్టు కేవలం 125 పరుగులకే ఆలౌటైంది. ఈ మ్యాచ్‌లో అఫ్రిది తన బౌలింగ్‌తో మాయచేశాడు.

One of the best balls of the Pakistan Super League. Shahid Afridi to Kieron Pollard #PSL2018 #KKvMS pic.twitter.com/HtYI3BjMeC

— Saj Sadiq (@Saj_PakPassion) March 10, 2018

పోలార్డ్‌, షోయబ్‌ మాలిక్‌, సైఫ్‌ బాబర్‌ వంటి కీలక బ్యాట్స్‌‌మెన్లను తక్కువ స్కోరుకే పెవిలియన్‌కు చేర్చాడు. ముఖ్యంగా వెస్టిండిస్ ఆటగాడు పోలార్డ్‌.. అఫ్రీది వేసిన బంతి స్వింగ్‌ అయి వికెట్లను తాకటంతో ఆశ్చర్యపోయాడు. ఈ మ్యాచ్‌లో అఫ్రిది 4 ఓవర్లలో(ఒక మెయిడెన్‌)తో పాటు 18 పరుగులిచ్చి మూడు వికెట్లు తీశాడు.

ఇదిలా ఉంటే ఈ మ్యాచ్‌లో సైఫ్‌ బాదర్‌‌ను అవుట్‌ చేశాక అఫ్రిది కాస్త దూకుడుని ప్రదర్శించాడు. అతడి పట్ల అనుచిత వ్యాఖ్యలు చేశాడు. దీంతో అభిమానులు సోషల్‌ మీడియాలో అఫ్రిదిపై తీవ్ర విమర్శలు చేశారు. మ్యాచ్ అనంతరం బాదర్‌ ఈ వీడియోపై "ఇప్పటికీ నువ్వంటే ఇష్టం షాహిద్‌ భాయ్‌" అంటూ పోస్టు చేశాడు.

OUT! 9.5 Shahid Afridi to Saif Badar
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/km66BUvqa9

— PakistanSuperLeague (@thePSLt20) March 10, 2018

OUT! 11.2 Shahid Afridi to Shoaib Malik
Watch ball by ball highlights at https://t.co/0U1go038Vz#MSvKK #HBLPSL #PSL2018 @_cricingif pic.twitter.com/PtOUPdNsq2

— PakistanSuperLeague (@thePSLt20) March 10, 2018

బాదర్‌కు క్షమాపణలు చెబుతున్నట్లు అఫ్రీది ప్రకటించటంతో ఈ వివాదానికి తెర పడింది. ఇదిలా ఉంటే గత సీజన్లతో పోలిస్తే ఈ ఏడాది అఫ్రిది బౌలింగ్‌లో అద్భుత ప్రదర్శన చేస్తుండటం విశేషం.