Click it and Unblock the Notifications
1983 వరల్డ్కప్లో మార్టిన్‌ స్నెడ్డెన్‌ - న్యూజిలాండ్(12 ఓవర్లు - 105 పరుగులు)
1983 వరల్డ్ కప్‌లో న్యూజిలాండ్ పేసర్ మార్టిన్‌ స్నెడ్డెన్‌ 12 ఓవర్లు వేసి వికెట్లేమీ తీయకుండా 105 పరుగులు సమర్పించుకున్నాడు. కుడిచేతివాటం పేసర్ అయిన మార్టిన్‌ స్నెడ్డెన్‌ న్యూజిలాండ్ జట్టుకు 1980-1990 మధ్య కాలంలో ప్రాతినిథ్యం వహించాడు. అప్పుడు కూడా ప్రత్యర్ధి జట్టు ఇంగ్లాండే కావడం విశేషం. ఈ మ్యాచ్‌లో న్యూజిలాండ్ జట్టు 106 పరుగుల తేడాతో ఓడింది.
2015 వరల్డ్కప్లో జాసన్ హోల్డర్ - వెస్టిండిస్(10 ఓవర్లు - 104 పరుగులు)
ఏబీ డివిలియర్స్ ఆకాశమే హద్దుగా చెలరేగిన మ్యాచ్ ఇది. 2015 వరల్డ్కప్లో భాగంగా సిడ్నీ వేదికగా జరిగిన గ్రూప్ మ్యాచ్‌లో దక్షిణాఫ్రికా ఆటగాడు ఏబీ డివిలియర్స్ 66 బంతుల్లో 162 పరుగులు చేశాడు. ముఖ్యంగా ఈ మ్యాచ్‌లో జాసన్ హోల్డర్ బౌలింగ్‌లో ఏబీ శివతాండవం చేశాడు. ఈ మ్యాచ్‌లో సఫారీలు 151 పరుగుల తేడాతో విజయం సాధించారు.
2015 వరల్డ్కప్లో జద్రాన్ - ఆప్ఘనిస్థాన్(10 ఓవర్లు - 101 పరుగులు)
ఆస్ట్రేలియాతో జరిగిన ఈ మ్యాచ్‌లో ఆప్ఘనిస్థాన్ బౌలర్ జద్రాన్ ధారాళంగా పరుగులు సమర్పించుకున్నాడు. ఈ మ్యాచ్‌లో 10 ఓవర్లు వేసిన జద్రాన్ 2 వికెట్లు తీసి 101 పరుగులు సమర్పించుకున్నాడు. పెర్త్‌లోని వాకా స్టేడియంలో జరిగిన ఈ మ్యాచ్‌లో డేవిడ్ వార్నర్ విధ్వంసకర ఇన్నింగ్స్ ఆడాడు. ఈ మ్యాచ్‌లో ఆప్ఘన్ 142 పరుగులకే ఆలౌట్ కావడంతో 275 పరుగుల తేడాతో విజయం సాధించింది.
1987 వరల్డ్కప్లో అషంత డీ మెల్ - శ్రీలంక(10 ఓవర్లు - 97 పరుగులు)
ఈ మ్యాచ్‌లో టాస్ గెలిచిన శ్రీలంక కెప్టెన్ దులిప్ మెండిస్ వెస్టిండిస్‌ను బ్యాటింగ్‌కు ఆహ్వానించాడు. కరాచీ వేదికగా జరిగిన ఈ మ్యాచ్‌లో లంక పేసర్ అషంత డీ మెల్ 10 ఓవర్లు వేసి ఒక్క వికెట్ కూడా తీయకుండా 97 పరుగులు సమర్పించుకున్నాడు. విండిస్ ఆటగాళ్లు హెయిన్స్(102), వివ్ రిచర్డ్స్ (181) సెంచరీలతో చెలరేగారు. దీంతో విండిస్ నిర్ణీత ఓవర్లలో 4 వికెట్లు కోల్పోయి 360 పరుగులు చేసింది. లక్ష్య చేధనలో శ్రీలంక 4 వికెట్లు కోల్పోయి 169 పరుగులకే పరిమితమైంది. దీంతో విండిస్ విజయం సాధించింది.
