రెండు చేతులతో బౌలింగ్
అతడి పేరు గ్రెగొరీ మహ్లోక్వానా. రెండు చేతులతో బౌలింగ్ చేయడమే కాదు వికెట్లు తీసి అందరినీ ఆశ్చర్యపరిచాడు. ఇందుకు సంబంధించిన వీడియోలు సోషల్ మీడియాలో వైరల్ కావడంతో ఒక్కసారిగా అతడు వెలుగులోకి వచ్చాడు. మాన్షి సూపర్ లీగ్లో గ్రెగొరీ మహ్లోక్వానా కేప్ టౌన్ బ్లిడ్జ్ జట్టు తరుపున ఆడుతున్నాడు.
|
తొలి వికెట్గా సరేల్ ఇర్వీని ఔట్ చేసిన గ్రెగొరీ
టోర్నీలో భాగంగా సోమవారం కేప్ టౌన్ బ్లిడ్జ్-డర్బన్ హీట్ జట్ల మధ్య మ్యాచ్ జరిగింది. ఈ మ్యాచ్లో గ్రెగొరీ మహ్లోక్వానా రెండు చేతులతో వికెట్లు తీసి క్రికెట్ అభిమానులను సంభ్రమాశ్యర్యాలకు గురి చేశాడు. తొలుత కుడిచేతి బౌలింగ్తో డర్బన్ హీట్ ఆటగాడు సరేల్ ఇర్వీని పెవిలియన్కు చేర్చాడు.
ఎడమచేతి బౌలింగ్లో రెండో వికెట్
ఆ తర్వాతి ఓవర్ను ఎడమచేతితో బౌలింగ్ చేసిన గ్రెగొరీ మహ్లోక్వానా డర్బన్ హీట్ కెప్టెన్ డేన్ విల్లాస్ను పెవిలియన్కు చేర్చాడు. మహ్లోక్వానా బౌలింగ్లో ముందుకొచ్చే ఆడే క్రమంలో డేన్ విల్లాస్(8) పరుగుల వద్ద ఔటయ్యాడు. ఈ మ్యాచ్లో మూడు ఓవర్లు వేసిన మహ్లోక్వానా 2/26తో చెలరేగాడు.
|
రెండు వికెట్లు తీసిన గ్రెగొరీ
కేప్ టౌన్ బ్లిడ్జ్ బౌలర్లలో మహ్లోక్వానాతో పాటు డేల్ స్టెయిన్ మూడు వికెట్లు తీయగా... వాహబ్ రియాజ్, సిసందా మంగల చెరో వికెట్ తీశారు. క్వింటన్ డీకాక్ నాయకత్వంలోని కేప్ టౌన్ బ్లిడ్జ్ జట్టు ఈ మ్యాచ్లో 10 పరుగుల తేడాతో విజయం సాధించింది. ప్రత్యర్ధి జట్టుకు నిర్దేశించన 175 పరుగుల విజయ లక్ష్యాన్ని కాపాడుకుంది.