అట్టహాసంగా వరల్డ్‌కప్ ఆరంభ వేడుకలు: ఫ్యాన్స్‌కు సర్‌ప్రైజ్‌ గిఫ్ట్‌

ఐసీసీ ర్యాంకింగ్స్‌ను అనుసరించి

ఐసీసీ ర్యాంకింగ్స్‌ను అనుసరించి ఆఫ్ఘనిస్థాన్‌తో మొదలుపెట్టి వరుస క్రమంలో చివర్లో విరాట్‌ కోహ్లీ, ఆతిథ్య దేశ కెప్టెన్ ఇయాన్ మోర్గాన్‌ స్టేజ్‌పైకి వచ్చారు. ఈ సందర్బంగా ఇంగ్లాండ్ కెప్టెన్ ఇయాన్ మోర్గాన్, భారత కెప్టెన్ విరాట్ కోహ్లీ, దక్షిణాఫ్రికా కెప్టెన్ డుప్లెసిస్‌తో హోస్ట్‌గా వ్యవహారించిన ఆండ్రూ ఫ్లింటాఫ్ సరదాగా ముచ్చటించాడు.

కోహ్లీ మాట్లాడుతూ

ఈ సందర్భంగా విరాట్ కోహ్లీ మాట్లాడుతూ "ఇక్కడికి రావడం చాలా ఆనందంగా ఉంది. ఇంగ్లండ్‌లో మాకు చాలా మంది అభిమానులున్నారు" అని అన్నాడు. ఆ తర్వాత 60 సెకన్ల చాలెంజ్‌లో భాగంగా పది జట్లకు సంబంధించిన మాజీ ఆటగాళ్లు, సెలెబ్రిటీలు బ్యాటింగ్‌తో అలరించారు.

పాక్ ప్రతినిధిగా మలాలా

పాకిస్థాన్‌ ప్రతినిధిగా నోబెల్‌ శాంతి బహుమతి గ్రహీత మలాలా యూసుఫ్‌ ప్రత్యేక ఆకర్షణగా నిలిచింది. వెస్టిండీస్‌ నుంచి వివ్‌ రిచర్డ్స్‌, స్ర్పింటర్‌ యొహాన్‌ బ్లేక్‌, భారత్‌ నుంచి అనిల్‌ కుంబ్లే, నటుడు ఫర్హాన్‌ అక్తర్‌, పాక్‌ తరఫున అజర్‌ అలీ, మలాలా యూసుఫ్‌, బంగ్లాదేశ్ సినీ తార జయ ఎహసాన్ పాల్గొన్నారు.

భారీ ఎత్తున వినోదాత్మక కార్యక్రమాలు

అంతకముందు క్రికెట్, సంగీతం కలబోతగా భారీ ఎత్తున వినోదాత్మక కార్యక్రమాలు అభిమానులను ఎంతగానో అలరించాయి. ఇందులో ఇంగ్లండ్ జోడీ పీటర్సన్, క్రిస్ హ్యుస్ 74 పరుగులతో టాప్‌లో నిలిచింది. ఆ తర్వాత ఆసీస్ మాజీ కెప్టెన్ మైఖేల్ క్లార్క్ ప్రపంచకప్ ట్రోఫీని వేదికపై తీసుకువచ్చాడు. చివరగా వరల్డ్‌కప్‌-2019 సాంగ్‌ ‘స్టాండ్‌ బై'ను వేదికపై ఆలపించడంతో ఆరంభ వేడుకలు ముగిశాయి.