బుల్లి పాండ్యాకు పేరు:
తాజాగా హార్దిక్ పాండ్యా, నటాషా స్టాన్కోవిచ్లు తమ కొడుకు పేరును ప్రకటించారు. బుల్లి హార్దిక్ పాండ్యాకు 'అగస్త్య' అని పేరుపెట్టారు. ఈ విషయాన్ని హార్దిక్ తన ఇన్స్టాగ్రాం ద్వారా వెల్లడించాడు. ఓ కార్ డీలర్ షిప్ కంపెనీ బుల్లి పాండ్యా కోసం మెర్సిడెజ్ కారు బొమ్మను బహుమతిగా పంపింది. అయితే ఆ బొమ్మ కారు హార్దిక్కు బాగా నచ్చిందేమో.. దానిపై కూర్చుని ఫొటో దిగాడు. ఆ ఫొటోను సోషల్ మీడియా ద్వారా అభిమానులతో పంచుకుంది. దానికి అగస్త్యాకి ఫస్ట్ Mercedes-AMGగా రాసుకొచ్చాడు. అంతేకాదు కారును బహుమతిగా పంపిన కార్ డీలర్ షిప్ కంపెనీకి కూడా తన ఇన్స్టాగ్రాం పోస్టు ద్వారా కృతజ్ఞతలు తెలిపాడు.
ఆగస్టు 20 తర్వాత:
చాలా రోజుల నుంచి క్రికెట్ దూరంగా ఉన్న హార్దిక్ పాండ్యా.. ఐపీఎల్ 2020 ద్వారా తిరిగి మైదానంలోకి అడుగుపెట్టనున్నాడు. యూఏఈ వేదికగా సెప్టెంబరు 19 నుంచి నవంబరు 10 వరకు ఐపీఎల్ 2020 సీజన్ జరగనుంది. ఆగస్టు 20 తర్వాత ఆటగాళ్లు యూఏఈకి వెళ్లనున్నారు. ముంబై ఇండియన్స్ టీమ్లో అగ్రశ్రేణి ఆల్రౌండర్గా కొనసాగుతున్న హార్దిక్ పాండ్యా.. ఈ సీజన్లో సత్తాచాటాలని ఉవ్విళ్లూరుతున్నాడు. ఐపీఎల్ 2019 సీజన్లో ముంబై టైటిల్ గెలవడంలో హార్దిక్ క్రియాశీలక పాత్ర పోషించాడు.
2016లో అరంగేట్రం:
గుజరాత్కు చెందిన 26 ఏళ్ల హార్దిక్ పాండ్యా 2016లో భారత్ తరఫున అరంగేట్రం చేశాడు. ఇప్పటివరకు అతను 11 టెస్టులు, 54 వన్డేలు, 40 టీ20 మ్యాచ్ల్లో భారత్కు ప్రాతినిధ్యం వహించాడు. సంప్రదాయక ఫార్మాట్లో 532, 50 ఓవర్ల ఫార్మాట్లో 957, పొట్టి క్రికెట్లో 310 పరుగులు చేశాడు. గతేడాది సెప్టెంబర్లో వెన్నుగాయంతో టీమిండియాకు దూరమైన హార్దిక్.. శస్త్ర చికిత్స తర్వాత ఫిట్నెస్ సాధించి రీఎంట్రీకి సిద్దమయ్యాడు. దక్షిణాఫ్రికాతో మూడు వన్డేల సిరీస్కు ఎంపికైనా.. కరోనా వైరస్ కారణంగా ఆ సిరీస్ రద్దు అయింది. లాక్డౌన్ కలిసి రావడంతో మరింత ఫిట్నెస్ సాధించాడు.
డైలమాలో హార్దిక్:
వెన్నుగాయం కారణంగా హార్దిక్ టెస్టు ఫార్మాట్ ఆడాలా లేక పరిమిత ఓవర్ల క్రికెట్ ఆడాలా అనే డైలమాలో ఉన్నాడు. పరిమిత ఓవర్ల క్రికెట్లో కీలక ఆటగాడైన హార్దిక్.. టెస్టు క్రికెట్ను వదిలేయాలనే ఉద్దేశం ఉన్నటు కనబడుతోంది. ఇటీవల పరిమిత ఓవర్ల క్రికెట్పై ఎక్కువ దృష్టి సారిస్తానని పాండ్యా తెలిపాడు. తనకున్న ప్రధాన బలం ఎనర్జీనేనని, అన్ని ఫార్మాట్లు ఆడితే తన ఆటను బ్యాలెన్స్ చేసుకోవడం కష్టమవుతుందన్నాడు.