మహ్మద్ షాజాద్ కీలక పాత్ర
ఈ మెగా టోర్నీలో ఆఫ్ఘనిస్థాన్ తరుపున మహ్మద్ షాజాద్ కీలక పాత్ర పోషిస్తాడని ఆ దేశ అభిమానులు భావించారు. అయితే, ఇలా గాయం కారణంగా అతడు టోర్నీ మొత్తానికి దూరం కావడం బాధాకరమని అంటున్నారు. 2015 వరల్డ్ కప్ నుంచి ఆప్ఘన్ జట్టులో ప్రధాన ఆటగాడిగా కొనసాగుతున్న షాజాద్ 55 మ్యాచ్ల్లో 1843 పరుగులు చేశాడు.
ఆప్ఘనిస్థాన్కు పెద్ద ఎదురుదెబ్బే
టాప్ ఆర్డర్లో అతడు లేకపోవడం ఆప్ఘనిస్థాన్కు పెద్ద ఎదురుదెబ్బేనని క్రికెట్ విశ్లేషకులు భావిస్తున్నారు. టోర్నీలో భాగంగా ఆస్ట్రేలియాతో జరిగిన ఆరంభ మ్యాచ్లో మహ్మద్ షాజాద్ డకౌట్గా వెనుదిరగగా... ఆ తర్వాత శ్రీలంకతో జరిగిన మ్యాచ్లో 12 బంతుల్లో 7 పరుగులు చేశాడు.
మహ్మద్ షాజాద్ స్థానంలో యువ క్రికెటర్
ప్రస్తుతం అతడి స్థానంలో యువక్రికెటర్ ఇక్రమ్ అలీ ఖిల్ను సెలక్టర్లు ఎంపిక చేశారు. ఖిల్ ఆప్ఘనిస్థాన్ తరఫున ఇప్పటివరకు రెండు అంతర్జాతీయ మ్యాచ్లు మాత్రమే ఆడాడు. ఈ ఏడాది మార్చిలో డెహ్రాడూన్లో ఐర్లాండ్తో జరిగిన వన్డే సిరీస్లో అతడు అరంగేట్రం చేశాడు.
రెండు మ్యాచ్ల్లోనూ ఓడిన ఆఫ్ఘన్
2018లో అప్ఘనిస్థాన్ తరఫున అండర్-19 వరల్డ్కప్ జట్టులో ఆడిన అనుభవం ఉంది. ఆ సిరీస్లో మొత్తం నాలుగు మ్యాచ్ల్లో 185 పరుగులు చేశాడు. ఇదిలా ఉంటే, ఈ మెగా టోర్నీలో ఇప్పటివరకు ఆడిన రెండు మ్యాచ్ల్లోనూ ఆప్ఘన్ ఓడిపోయింది. జూన్ 8న న్యూజిలాండ్తో తదుపరి మ్యాచ్ ఆడనుంది.