హాంకాంగ్‌పై పాక్ గెలిచేసింది!!

పాక్‌ బౌలర్ల ధాటికి విలవిల్లాడిన హాంగ్ కాంగ్:

ఇమాముల్‌ హక్‌ (50 నాటౌట్‌; 69 బంతుల్లో 3×ఎఫోర్లు, ఒక సిక్సు రాణించడంతో లక్ష్యాన్ని పాక్‌ 23.4 ఓవర్లలో రెండే వికెట్లు కోల్పోయి ఛేదించింది. టాస్‌ గెలిచి బ్యాటింగ్‌ ఎంచుకున్న హాంకాంగ్‌.. పాక్‌ బౌలర్ల ధాటికి విలవిల్లాడింది. ముఖ్యంగా పేసర్లు ఉస్మాన్‌ఖాన్‌, హాసన్‌ అలీ అద్భుతంగా బౌలింగ్‌ చేసి హాంకాంగ్‌ బ్యాట్స్‌మెన్‌ను ఉక్కిరిబిక్కిరి చేశారు. ఆరంభంలో 17/0తో ఉన్న హాంకాంగ్‌.. పాక్‌ పేసర్ల దెబ్బకు 44 పరుగులకే 5 వికెట్లు కోల్పోయింది.

శుభారంభాన్నిచ్చిన ఫకార్‌, ఇమాముల్‌ :

అజీజ్‌ ఖాన్‌ (27), కించిత్‌ షా (26) నిలబడడంతో హాంకాంగ్‌ 97/5తో ఫర్వాలేదనిపించింది. కానీ ఈ స్థితిలో విజృంభించిన ఉస్మాన్‌ఖాన్‌ ఒకే ఓవర్లో మూడు వికెట్లు పడగొట్టడంతో హాంకాంగ్‌ 97/8తో నిలిచింది. ఆ తర్వాత మరో ఏడు ఓవర్లలోనే ఆ జట్టు ఆలౌటైంది. స్వల్ప ఛేదనలో పాక్‌కు ఓపెనర్లు ఫకార్‌ జమాన్‌ (24), ఇమాముల్‌ హక్‌ శుభారంభం ఇచ్చారు. ఆరంభంలో నెమ్మదిగా ఆడిన ఈ జోడీ.. క్రమంగా జోరు పెంచింది.

జట్టును విజయతీరాలకు చేర్చిన ఇమాముల్‌

ఎహ్‌సన్‌ బౌలింగ్‌లో జమాన్‌.. వికెట్‌కీపర్‌ మెంకజీకి చిక్కడంతో పాక్‌ తొలి వికెట్‌ కోల్పోయింది. జమాన్‌-హక్‌ జోడీ తొలి వికెట్‌కు 41 పరుగులు జత చేసింది. కానీ బాబర్‌ అజాం (33)తో కలిసి ఇమాముల్‌ పరుగుల వేట సాగించడంతో పాక్‌ సాఫీగా లక్ష్యం దిశగా సాగిపోయింది. ఆఖర్లో షోయబ్‌ మాలిక్‌ (9 నాటౌట్‌)తో కలిసి . పాక్‌ జట్టు 23.4 ఓవర్లలో 2 వికెట్లు కోల్పోయి లక్ష్యాన్ని ఛేదించింది.

రెండో మ్యాచ్ భారత్‌తో.. భారత్ రెండో మ్యాచ్ పాక్‌తో :

ఇదే ఆసియా కప్‌లో భాగంగా హాంగ్ కాంగ్ రెండో మ్యాచ్‌ను భారత్‌తో సెప్టెంబర్ 18న ఆడనుంది. కాగా, ఇదే క్రమంలో భారత్ తన రెండో మ్యాచ్‌ను సెప్టెంబర్ 19న పాకిస్తాన్‌తో ఆడనుంది. భారత్-పాక్‌ల మధ్య మ్యాచ్‌కు తీవ్ర ఉత్కంఠ నెలకొనడంతో టిక్కెట్ విక్రయాల జోరు ఇప్పటికే ఊపందుకుంది.