IND vs WI ఆఖరి టీ20కి భువనేశ్వర్ కుమార్.. గాయంతో అర్ష్‌దీప్ సింగ్ ఔట్!

వెస్టిండీస్‌తో ఐదో టీ20కి ముందు టీమిండియాలో కీలక మార్పు చోటు చేసుకుంది. టీమిండియా స్టార్ పేసర్ అర్ష్‌దీప్ సింగ్ గాయంతో దూరం కాగా.. అతని స్థానంలో భువనేశ్వర్ కుమార్‌ జట్టులోకి వచ్చాడు. ఈ విషయాన్ని బీసీసీఐ శుక్రవారం ఓ అధికారిక ప్రకటనలో వెల్లడించింది. ఉప్పల్ వేదికగా జరిగిన నాలుగో టీ20లో అర్ష్‌దీప్ సింగ్ భుజానికి గాయమైన సంగతి తెలిసిందే.

గాయం తీవ్రత పెద్దగా లేకున్నా.. ముందస్తు చర్యల్లో భాగంగా ఆఖరి టీ20 నుంచి అర్ష్‌దీప్ సింగ్‌కు విశ్రాంతి ఇచ్చినట్లు బీసీసీఐ తమ ప్రకటనలో పేర్కొంది. దాంతో బెంగళూరు వేదికగా శనివారం జరిగే ఆఖరి టీ20లో భువనేశ్వర్ కుమార్ బరిలోకి దిగనున్నాడు. ఇప్పటికే న్యూజిలాండ్ పర్యటనకు ఎంపిక చేసిన భారత టీ20 జట్టులోకి భువనేశ్వర్ కుమార్‌‌ను తీసుకున్న సంగతి తెలిసిందే.

ఈ ఐదు టీ20ల సిరీస్‌లో భారత యువ బౌలర్లు తేలిపోవడంతో సర్వత్రా విమర్శలు వ్యక్తమయ్యాయి. తాజాగా అర్ష్‌దీప్ సింగ్ కూడా దూరమవడంతో భారత బౌలింగ్ విభాగం మరింత బలహీనం అవుతుందని భావించిన సెలెక్టర్లు.. భువనేశ్వర్ కుమార్‌ను జట్టులోకి తీసుకున్నారు. అంతేకాకుండా బెంగళూరు వికెట్‌పై అతనికి మంచి రికార్డ్ ఉంది.

India Playing XI: గేమ్ ప్లాన్‌లో చిన్న మార్పు.. విండీస్‌తో ఫైనల్ టీ20 ఆడే భారత తుది జట్టు ఇదే!

సిరీస్ గెలుపే లక్ష్యంగా..

వరుసగా రెండు ఐపీఎల్ సీజన్లలో ఆర్‌సీబీ టైటిల్ గెలవడంలో భువనేశ్వర్ కుమార్ సత్తా చాటాడు. ఆర్‌సీబీ హోమ్ గ్రౌండ్ అయిన చిన్నస్వామిలో భువనేశ్వర్ కుమార్ సత్తా చాటాడు. దాంతోనే అతన్ని ఈ మ్యాచ్‌కు ఎంపిక చేసినట్లు అర్థమవుతోంది. ఈ మ్యాచ్‌కు భువీని ఎంపిక చేయడం ద్వారా.. భారత బౌలింగ్ విభాగం పటిష్టంగా మారడంతో పాటు న్యూజిలాండ్ పర్యటనకు ముందు అతనికి మ్యాచ్ ప్రాక్టీస్ లభిస్తుందని సెలెక్టర్లు భావించినట్లు సమాచారం.

భువనేశ్వర్ కుమార్ చివరిసారిగా 2022లో న్యూజిలాండ్‌తో అంతర్జాతీయ మ్యాచ్ ఆడాడు. గత రెండు ఐపీఎల్ సీజన్లలో అతను 48 వికెట్లు పడగొట్టాడు. భారీ స్కోర్లు నమోదైన ఈ ఐదు టీ20ల సిరీస్‌లో ఇరు జట్లు రెండేసి విజయాలతో 2-2తో సమంగా నిలిచాయి. దాంతో ఈ ఆఖరి టీ20 సిరీస్ డిసైడర్‌గా మారింది. ఈ క్రమంలోనే సిరీస్ గెలవడమే లక్ష్యంగా భువీని సెలెక్టర్లు బరిలోకి దించారు.

" width="200" height="113">

Also Read

IND vs WI: అయ్యర్, గంభీర్‌కు కామన్‌సెన్స్ లేదు: అశ్విన్

వెస్టిండీస్‌తో ఆఖరి టీ20కి భారత జట్టు (అప్‌డేట్)

వైభవ్ సూర్యవంశీ, సంజూ శాంసన్, అభిషేక్ శర్మ, ఇషాన్ కిషన్, శ్రేయస్ అయ్యర్(కెప్టెన్), తిలక్ వర్మ(వైస్ కెప్టెన్), శివమ్ దూబే, నమన్ ధీర్, అక్షర్ పటేల్, కుల్దీప్ యాదవ్, మయాంక్ యాదవ్, ప్రిన్స్ యాదవ్, రవి బిష్ణోయ్, నితీష్ కుమార్ రెడ్డి, భువనేశ్వర్ కుమార్.