ఆసియా గేమ్స్ షురూ.. కిట్ ఆలస్యంతో మారిన భారత ఫ్లాగ్‌బేరర్!

By Uppala Shivaprasad

Published: Saturday, September 19, 2026, 11:17 [IST]

ఆసియా గేమ్స్ 2026 ఘనంగా మొదలయ్యాయి. అయితే ఈ ప్రారంభ వేడుకల్లో భారత ఫ్లాగ్-బేరర్ చివరి నిమిషంలో మారిపోయారు. కబడ్డీ స్టార్ పవన్ సహ్రావత్ ఫ్లాగ్ బేరర్‌గా వ్యవహరించాడు. వాస్తవానికి షాట్‌పుటర్ తజిందర్ పాల్ సింగ్ తూర్.. పతకదారిగా వ్యవహరించాల్సింది. కానీ అతని కిట్ ఆలస్యం కావడంతో చివరి నిమిషంలో ఫ్లాగ్ బేరర్‌ను మార్చారు.

జెర్సీ సహా ఇతర క్రీడా వస్తువులు ఉండే అధికారిక కిట్ తజిందర్‌కు అందుకపోవడం వల్ల అతను ఆసియా క్రీడల ఆరంభోత్సవ వేడుకలకు హాజరు కాలేదు. దాంతో పవన్ సెహ్రావత్, స్టార్ షూటర్ మనుబాకర్‌తో కలిసి భారత బృందానికి నాయకత్వం వహించాడు. గత ఆసియా గేమ్స్‌లో స్వర్ణం గెలిచిన భారత కబడ్డీ జట్టులో 30 ఏళ్ల పవన్ సహ్రావత్ సభ్యుడిగా ఉన్నాడు.

Pawan Sehrawat Steps In After Tajinderpal Toor Misses Asian Games 2026 Opening Ceremony Due to Kit Delay

30 క్రీడలు.. 503 మది అథ్లెట్లు..

ఈ 20వ ఆసియా గేమ్స్ జపాన్‌లో నగోయా నగరంలో అట్టహాసంగా మొదలయ్యాయి. సెప్టెంబర్ 19 నుంచి అక్టోబర్ 4 వరకు ఈ క్రీడలు జరగనున్నాయి. 45 దేశాల క్రీడాకారులు ఈ గేమ్స్‌లో పాల్గొంటున్నారు. భారత్ నుంచి 30కి పైగా క్రీడల్లో 503 మంది అథ్లెట్లు బరిలోకి దిగుతుతన్నారు.

2022లో చైనాలో జరిగిన ఆసియా గేమ్స్‌ పతకాల పట్టికలో భారత్ 28 స్వర్ణాలతో నాలుగో స్థానంలో నిలిచింది. మొత్తంగా 106 మెడల్స్ సాధించింది. ఈ సారి కూడా అదే తరహా ప్రదర్శన కనబర్చాలనే పట్టుదలతో భారత్ ఉంది.