షూటింగ్ దిగ్గజం జస్పాల్ రాణా కన్నుమూత

భారత దిగ్గజ షూటర్, ప్రఖ్యాత కోచ్ జస్పాల్ రాణా(49) కన్నుమూశారు. అనారోగ్యంతో ఢిల్లీలోని ఆసుపత్రిలో చికిత్స పొందుతూ శుక్రవారం ఉదయం తుదిశ్వాస విడిచారు. భారత స్టార్ షూటర్, డబుల్ ఒలింపిక్ మెడలిస్ట్ మను బాకర్‌.. జస్పాల్ రాణా కోచింగ్‌లోనే రాటుదేలిన సంగతి తెలిసిందే.

ఇటీవల జర్మనీలోని మ్యూనిచ్‌లో జరిగిన ఐఎస్ఎస్ఎఫ్ ప్రపంచకప్ పోటీల నుంచి భారత బృందంతో కలిసి తిరిగి వస్తుండగా రాణా అనారోగ్యానికి గురయ్యారు. విమానం దిగిన వెంటనే ఆయనను ఢిల్లీలోని ఆసుపత్రిలో చేర్పించారు. వైద్యులు అతనికి స్టెంట్ వేసినా ఫలితం లేకపోయింది. ఆయన మరణ వార్తను నేషనల్ రైఫిల్ అసోసియేషన్ ఆఫ్ ఇండియా(NRAI) ధ్రువీకరించింది.

'జర్మనీలో ప్రపంచకప్ సందర్భంగా జస్పాల్‌కు ఛాతి నొప్పి, అసౌకర్యం కలిగాయి. కానీ ఎసిడిటీగా పొరబడి.. తన పనిలో నిమగ్నమయ్యారు. అయితే భారత్‌కు వచ్చేటప్పుడు మళ్లీ అసౌకర్యానికి గురయ్యారు. ఆయనను వెంటనే ఆసుపత్రికి తరలించి చికిత్స అందించాం.'అని జస్పాల్ సోదరుడు సుభాష్ మీడియాతో అన్నారు.

IND vs IRE: వైభవ్ సూర్యవంశీ అరంగేట్రం ఆలస్యం!

పారిస్ ఒలింపిక్స్ 2024లో రెండు కాంస్యాలు సాధించిన మను బాకర్‌కు జస్పాల్ రాణా వ్యక్తిగత కోచ్‌గా వ్యవహరించారు. 2006 ఆసియా గేమ్స్‌లో ఆయన మూడు స్వర్ణాలు గెలిచారు. జూతీయ జూనియర్ కోచ్‌గా కూడా వ్యవహరించారు. అప్పుడే మను బాకర్, సౌరభ్ చౌదరి వంటి ప్రతిభావంతమైన షూటర్లు వెలుగులోకి వచ్చారు. ఒలింపిక్స్ విజయాల అనంతరం ఆయన గతేడాది ఫిబ్రవరిలో జాతీయ కోచ్‌గా ప్రమోషన్ అందుకున్నారు. 25 మీటర్ల పిస్టల్ విభాగంలో హై పర్ఫార్మెన్స్ కోచ్‌గా ఆయన బాధ్యతలు చేపట్టారు.

జస్పాల్ రాణా మృతిపై క్రీడా, సినీ, రాజకీయ ప్రముఖులు సోషల్ మీడియా వేదికగా సంతాపం ప్రకటించారు. దేశ ప్రధాని నరేంద్ర మోదీ తీవ్ర విచారం వ్యక్తం చేశాడు. 'జస్పాల్ రాణా మరణం భారత క్రీడా ప్రపంచానికి తీరని లోటు. షూటింగ్‌లో ఆయన సాధించిన విజయాలతో దేశానికి ఎంతో పేరు తీసుకువచ్చారు. యువ అథ్లెట్లను తీర్చిదిద్దడంలో ఆయన చూపిన నిబద్ధత ఎనలేనిది. ఈ విషాద సమయంలో ఆయన కుటుంబం, ఆత్మీయులకు నా ప్రగాఢ సానుభూతి తెలియజేస్తున్నా.'అని నరేంద్ర మోదీ ఎక్స్ వేదికగా పేర్కొన్నారు.

FIFA WC 2026: మెక్సికో విజయం! లేడీ ఫ్యాన్ రచ్చ..ప్రైవేట్ పార్ట్స్ కనిపించేలా..!(వీడియో)