భారత ఆటగాళ్ల జంబలకిడిపంబ.. రోహితా మస్త్ ఉన్నవ్: చహల్

రోహితా.. సో క్యూట్

తాజాగా టీమిండియా ఓపెనర్ రోహిత్ శర్మ తనదైన శైలిలో ట్రోల్ చేశాడు. ఫేస్ మార్ఫింగ్ యాప్ సాయంతో రోహిత్ ఫొటోను అమ్మాయిలా మార్చి.. ట్వీట్ చేశాడు. మేల్, ఫిమేల్ వర్షన్ ఫొటోలను పక్కపక్కనే పెట్టి షేర్ చేశాడు. దీనికి ‘రోహితా చూడటానికి చాలా అందంగా ఉన్నావు. లవ్‌యూ'అని క్యాప్షన్‌గా పేర్కొన్నాడు. ఇక ఈ ట్వీట్‌కు అభిమానులు కూడా ఫిదా అవుతున్నారు. రోహిత్ అమ్మాయిగా బాగున్నాడని కామెంట్ చేస్తున్నారు.

అందుకే కెప్టెన్‌గా సచిన్ విఫలమయ్యాడు: భారత మాజీ కోచ్

పెళ్లి చేసుకుందువా చహల్

ఇక రోహిత్ అమ్మాయి అయితే చహల్ పెళ్లి చేసుకునేవాడేమోనని ఫన్నీగా సెటైర్లు వేస్తున్నారు. ఇంకొందరేమో.. చహల్ అమ్మాయి వర్షన్ ఫొటోలను షేర్ చేస్తూ.. నువ్వు ఇంకా సెక్సీగా ఉన్న చహల్ అంటూ కామెంట్ చేస్తున్నారు. ‘రోహిత్ చూస్తే నీకుంటుంది చహల్.. నిన్ను పిచ్చకొట్టుడు కొడుతాడు సుమా'అంటూ హెచ్చరిస్తున్నారు. అంతకాకుండా వెనక్కు నుంచి రోహిత్ తన్నినట్లున్న మీమ్స్‌ను ట్రెండ్ చేస్తున్నారు. ‘ఏంది వ్యా చహల్ ఇది'అనే ఎక్స్‌ప్రెషన్ ఏమోజీలను కూడా ట్వీట్ చేస్తున్నారు.

అమ్మాయిలుగా భారత ఆటగాళ్లు..

ఇక మరికొంతమంది ఔత్సాహికులు ‘జంబలకిడిపంబ' సినిమాలో మాదిరి భారత ఆటగాళ్లందరిని అమ్మాయిలుగా మార్చి ట్వీట్ చేస్తున్నారు. ఏ మాత్రం గుర్తు పట్టకుండా అచ్చం అమ్మాయిలు అయితే ఎలా ఉంటారో అలా అందంగా ఉండేలా వారి యాప్స్ నైపుణ్యానికి పనిపెడ్తున్నారు. ప్రస్తుతం ఈ భారత ఆటగాళ్ల జంబలకిడిపంబ ఫొటోలు నెట్టింట హల్‌చల్ చేస్తున్నాయి. ధోనీ, కోహ్లీ, భువనేశ్వర్, పాండ్యా, రోహిత్ , రాహుల్ ఏమాత్రం గుర్తు పట్టలేకుండా అందంగా ఉన్నారు.

అవన్నీ తప్పుడు వార్తలే.. నేను బాగానే ఉన్నా: అఫ్రిది