IND vs WI: శ్రేయస్ అయ్యర్ శతకం.. విండీస్‌పై భారత్ ఘన విజయం!

వెస్టిండీస్‌తో ఐదు టీ20ల సిరీస్‌లో టీమిండియా శుభారంభం చేసింది. మంగళవారం లక్నో వేదికగా జరిగిన తొలి మ్యాచ్‌లో సమష్టిగా రాణించిన భారత్ 8 వికెట్ల తేడాతో వెస్టిండీస్‌‌ను చిత్తు చేసింది. పూర్తిగా ఏకపక్షంగా సాగిన ఈ మ్యాచ్‌లో భారత్ బౌలింగ్, బ్యాటింగ్‌తో పాటు ఫీల్డింగ్‌లోనూ ఆధిపత్యం చెలాయించింది. టీమిండియా కెప్టెన్ శ్రేయస్ అయ్యర్ (43 బంతుల్లో 10 ఫోర్లు, 6 సిక్స్‌లతో 102 నాటౌట్) అజేయ శతకంతో విజయంలో కీలక పాత్ర పోషించాడు.

IND vs WI: హెట్‌మైర్ రనౌట్‌పై దుమారం.. ఔటా? నాటౌటా? (వీడియో)

ఈ మ్యాచ్‌లో ముందుగా బ్యాటింగ్ చేసిన వెస్టిండీస్ 19.1 ఓవర్లలో 171 పరుగులకు ఆలౌట్ అయ్యింది. కెప్టెన్ షై హోప్(37 బంతుల్లో 6 ఫోర్లు, 2 సిక్స్‌లతో 52), షెర్ఫెన్ రూథర్‌ఫోర్డ్(34 బంతుల్లో 6 ఫోర్లు, 3 సిక్స్‌లతో 56) హాఫ్ సెంచరీలతో రాణించగా.. మిగతా బ్యాటర్లు విఫలమయ్యారు.

భారత బౌలర్లలో నమన్ ధీర్(3/31) మూడు వికెట్లు తీయగా.. కుల్దీప్ యాదవ్, అక్షర్ పటేల్ రెండేసి వికెట్లు పడగొట్టారు. అర్ష్‌దీప్ సింగ్, మయాంక్ యాదవ్ తలో వికెట్ తీసారు. అనంతరం భారత్ 14.4 ఓవర్లలోనే 2 వికెట్లకు 172 పరుగులు చేసి సునాయస విజయాన్నందుకుంది.

Also Read

IND vs WI: అందుకే వైభవ్, నితీష్ రెడ్డి ఆడటం లేదు: శ్రేయస్ అయ్యర్

శ్రేయస్ అయ్యర్‌తో పాటు ఇషాన్ కిషన్(27 బంతుల్లో 5 ఫోర్లతో 37 నాటౌట్) రాణించాడు. వెస్టిండీస్ బౌలర్లలో అకీల్ హోసెన్, రోస్టన్ ఛేజ్ తలో వికెట్ తీసారు. ఈ విజయంతో ఐదు టీ20ల సిరీస్‌లో భారత్ 1-0తో ఆధిక్యంలో నిలిచింది. ఇరు జట్ల మధ్య రెండో టీ20 శుక్రవారం ఇండోర్ వేదికగా జరగనుంది.

శ్రేయాస్ కోసం ఇషాన్ త్యాగం..

172 పరుగుల లక్ష్య ఛేదనలో టీమిండియాకు ఆశించిన ఆరంభం దక్కలేదు. దూకుడుగా ఆడిన అభిషేక్ శర్మ(21) రోస్టన్ ఛేజ్ బౌలింగ్‌లో హెట్‌మైర్ సూపర్ క్యాచ్‌కు వెనుదిరగ్గా.. సంజూ శాంసన్(11) తీవ్రంగా నిరాశపర్చాడు. అకీల్ హోస్సెన్ బౌలింగ్‌లో రిటర్న్ క్యాచ్‌ ఇచ్చాడు. దాంతో భారత్ 35 పరుగులకే 2 వికెట్లు కోల్పోయింది. ఈ పరిస్థితుల్లో క్రీజులోకి వచ్చిన ఇషాన్ కిషన్, శ్రేయస్ అయ్యర్ ఇన్నింగ్స్‌ను ముందుకు నడిపించారు. ఈ ఇద్దరూ దూకుడుగా ఆడటంతో భారత్ పవర్ ప్లేలోనే 2 వికెట్లకు 62 పరుగులు చేసింది.

అనంతరం మరింత దూకుడుగా ఆడిన శ్రేయస్ అయ్యర్ 28 బంతుల్లో హాఫ్ సెంచరీ పూర్తి చేసుకున్నాడు. అయ్యర్ చెలరేగడంతో మరో ఎండ్‌లో ఇషాన్ కిషన్ యాంకర్ రోల్ పోషించాడు. నిదానంగా ఆడుతూ అతని స్ట్రైక్ ఇచ్చాడు. శ్రేయస్ అయ్యర్ మరో 24 బంతుల వ్యవధిలోనే సెంచరీ మార్క్ అందుకున్నాడు. 42 బంతుల్లోనే 10 ఫోర్లు, 6 సిక్సర్లతో కెరీర్‌లో తొలి టీ20 సెంచరీ నమోదు చేశాడు. అయ్యర్ శతకం కోసం ఇషాన్ కిషన్ త్యాగం చేశాడు. సింగిల్స్ తీస్తూ అతనికి స్ట్రైక్ ఇచ్చాడు. హాఫ్ సెంచరీ చేసే అవకాశం ఉన్నా చేసుకోలేదు.