పాక్ ఆటగాళ్లతో కూడిన జట్టులో నా పేరా? వారిపై చర్యలు తీసుకుంటా: శిఖర్ ధావన్

వరల్డ్ టీ20 కాంటినెంట్ కప్ టోర్నీ నిర్వాహకుల‌పై భారత మాజీ ఓపెనర్ శిఖర్ ధావన్ ఆగ్రహం వ్యక్తం చేశాడు. అనుమతి లేకుండా తన పేరును ఉపయోగించడంపై మండిపడ్డాడు. టోర్నీ నిర్వాహకులపై చట్టపరమైన చర్యలు తీసుకుంటానని హెచ్చరించాడు. ఈ మేరకు సోషల్ మీడియా వేదికగా ధావన్ ఓ పోస్ట్ పెట్టాడు.

'వరల్డ్ టీ20 కాంటినెంట్ కప్‌లో పాల్గొనే ఆటగాళ్ల జాబితాలో నా పేరు ఉన్నట్లు నా దృష్టికి వచ్చింది. నిర్వాహకులు నా అనుమతి లేకుండా.. కనీస సమాచారం ఇవ్వకుండా నా పేరును వాడుకున్నారు.

IND vs WI: వైభవ్ సూర్యవంశీకి అవకాశం ఇవ్వాలి: టీమిండియా మాజీ కోచ్

ఈ విషయంపై నా లీగల్ టీమ్ తగిన చట్టపరమైన చర్యలు తీసుకుంటుంది. ఇలాంటి అనధికారిక ప్రకటనలను నమ్మవద్దని, వాటి ఆధారంగా వార్తలు ప్రసారం చేయవద్దని మీడియాను, అభిమానులను కోరుతున్నాను. మీ ప్రేమ, మద్దతుకు ధన్యవాదాలు'అని ధావన్ ట్వీట్ చేశాడు.

ఈ టోర్నీ కోసం ప్రకటించిన 'ఆసియా వారియర్స్' జట్టులో శిఖర్ ధావన్ పేరు కనిపించింది. ధావన్‌తో పాటు భారత మాజీ ఆటగాళ్లు రాహుల్ శర్మ, గుర్కీరత్ సింగ్ మాన్, అభిమన్యు మిథున్ పేర్లు కూడా ఈ జట్టులో ఉన్నాయి. ఇదే జట్టులో పాకిస్థాన్‌కు చెందిన మాజీ క్రికెటర్లు సోహైల్ తన్వీర్, ఇఫ్తికార్ అహ్మద్, మహమ్మద్ ఇమ్రాన్ ఖాన్‌లు కూడా ఉన్నారు.

Also Read

IND vs WI: పోలీస్ నిఘాలో ఉప్పల్ మ్యాచ్.. మఫ్టీలో షీ టీమ్స్: సీపీ సుమతి

పాక్ ఆటగాళ్లతో కూడిన జట్టులో అనుమతి లేకుండా తన పేరు చేర్చడంపై శిఖర్ ధావన్ ఆగ్రహం వ్యక్తం చేశాడు. గతంలో ధావన్ ఈ టోర్నీ ఆడుతున్నట్లు ప్రకటించిన నిర్వాహకులు... తాజా ట్వీట్‌ నేపథ్యంలో కొన్ని సాంకేతిక కారణాల వల్ల ఈ టోర్నీ ఆడటం లేదని ప్రకటించారు.