నా వైఫల్యానికి నేనే కారణం.. ఎవర్ని నిందించను: సంజూ శాంసన్

అంతర్జాతీయ క్రికెట్‌లో తన వైఫల్యానికి పూర్తి బాధ్యత తనదేనని టీమిండియా స్టార్ ఓపెనర్ సంజూ శాంసన్ అన్నాడు. తాను ఎప్పుడూ పరిస్థితులను, ఇతరులను నిందించనని తెలిపాడు. నాలుగు టీ20ల్లో వరుసగా విఫలమైన సంజూ శాంసన్.. ఐదో మ్యాచ్‌లో విధ్వంసకర బ్యాటింగ్ చెలరేగాడు. దూకుడైన బ్యాటింగ్‌తో హాఫ్ సెంచరీ బాది విమర్శకుల నోళ్లు మూయించాడు.

వెస్టిండీస్‌తో రాంచీ వేదికగా జరిగిన రెండో టీ20లో సంజూ శాంసన్.. 41 బంతుల్లోనే 82 పరుగులు చేశాడు. అయితే ఆసియా గేమ్స్‌తో పాటు వెస్టిండీస్‌తో తొలి టీ20‌లో సంజూ శాంసన్ ఘోరంగా విఫలమవడంతో అతన్ని పక్కన పెట్టాలనే డిమాండ్ వ్యక్తమైంది. సంజూ శాంసన్‌కు ఎన్ని అవకాశాలు ఇస్తారని, అతను తీవ్ర ఒత్తిడిలో ఉన్నాడని హనుమ విహారి వంటి ఆటగాళ్లు విమర్శించారు. సూపర్ ఫామ్‌లో ఉన్న వైభవ్ సూర్యవంశీని ఆడించాలని డిమాండ్ చేశారు.

IND vs WI: ఇవేం పిచ్‌లు రా అయ్యా..రోత పుడుతుంది!

జట్టు కోసమే ఆడుతాను..

అయితే ఈ విమర్శలకు సంజూ తనదైన బ్యాటింగ్‌తో బదులిచ్చాడు. రెండో టీ20 అనంతరం తన ఇన్నింగ్స్ గురించి మాట్లాడిన సంజూ.. తాను ఎప్పుడూ జట్టు కోసమే ఆడుతానని స్పష్టం చేశాడు. ఫామ్‌లో లేనని జట్టుకు నష్టం చేసే విధంగా స్లోగా ఆడలేనని చెప్పాడు.

'భారత జట్టు తరఫున ఆడుతున్నప్పుడు మనం చేయగలిగిందల్లా ఒక్కటే కఠినంగా ప్రాక్టీస్ చేసి మ్యాచ్‌కు సిద్దమవ్వడమే. కానీ వేగవంతమైన టీ20 క్రికెట్‌లో ఫలితాలు ఎప్పుడూ మన చేతుల్లో ఉండవు. కేవలం గత మూడు మ్యాచ్‌ల్లో సరిగ్గా ఆడలేదనే కారణంతో స్వార్థపూరితంగా మైదానంలో ఎక్కువ సమయం తీసుకొని స్లోగా ఆడలేం.

జట్టుకు దూకుడైన ఆరంభం ఇవ్వడం నా బాధ్యత. నా వైఫల్యానికి పూర్తి బాధ్యత నాదే. అందుకు నేను ఇతరులను గానీ, పరిస్థితులను గానీ నిందించను. నేను మైదానంలోకి అడుగుపెట్టిన ప్రతిసారీ జట్టు కోసం నా అత్యుత్తమ ప్రదర్శన ఇవ్వడానికి ప్రయత్నిస్తాను.'అని సంజూ శాంసన్ పేర్కొన్నాడు. ఈ ఏడాది జరిగిన అంతర్జాతీయ టీ20 మ్యాచ్‌ల్లో సంజూ శాంసన్ కనీసం 15 బంతులు ఎదుర్కొన్న ప్రతిసారీ హాఫ్ సెంచరీ సాధించాడు.

Also Read

IND vs WI: వైభవ్‌తో పాటు ఆ ముగ్గురికి నిరాశే.. వెస్టిండీస్‌తో మూడో టీ20 ఆడే భారత తుది జట్టు ఇదే!

శతక్కొట్టిన షై హోప్..

ఈ మ్యాచ్‌లో ముందుగా బ్యాటింగ్ చేసిన భారత్ నిర్ణీత 20 ఓవర్లలో 5 వికెట్లకు 249 పరుగులు చేసింది. సంజూ శాంసన్(41 బంతుల్లో 9 ఫోర్లు, 4 సిక్స్‌లతో 82) విధ్వంసకర హాఫ్ సెంచరీతో చెలరేగగా.. ఇషాన్ కిషన్(22 బంతుల్లో 6 ఫోర్లు, 2 సిక్స్‌లతో 43), శ్రేయస్ అయ్యర్(17 బంతుల్లో 3 ఫోర్లు, 3 సిక్స్‌లతో 40 ), తిలక్ వర్మ(13 బంతుల్లో 3 ఫోర్లు, 3 సిక్స్‌లతో 47 నాటౌట్) దూకుడుగా ఆడారు. వెస్టిండీస్ బౌలర్లలో రోస్టన్ ఛేజ్(3/24) మూడు వికెట్లు తీయగా.. షమార్ స్రింగర్(1/41) ఒక వికెట్ పడగొట్టారు.

అనంతరం వెస్టిండీస్ ఓవర్లలో పరుగులు చేసి సునాయస విజయాన్నందుకుంది. షై హోప్(45 బంతుల్లో 6 ఫోర్లు, 9 సిక్స్‌లతో 102 నాటౌట్) అజేయ శతకంతో చెలరేగగా.. షెర్ఫెన్ రూథర్‌ఫోర్డ్(37 బంతుల్లో 7 ఫోర్లు, 7 సిక్స్‌లతో 84), విధ్వంసకర బ్యాటింగ్‌తో రాణించాడు. భారత బౌలర్లలో మయాంక్ యాదవ్(3/36) మూడు వికెట్లు తీయగా.. కుల్దీప్ యాదవ్ ఒక వికెట్ పడగొట్టాడు.