IND vs WI: భారత జట్టులో కీలక మార్పు.. సీఎస్‌కే బౌలర్‌కు చోటు!

వెస్టిండీస్‌తో మూడో వన్డే‌కు ముందు టీమిండియాలో కీలక మార్పు చోటు చేసుకుంది. ఫాస్ట్ బౌలర్‌ ప్రసిధ్ కృష్ణ గాయంతో జట్టుకు దూరమయ్యాడు. అతని స్థానంలో చెన్నై సూపర్ కింగ్స్(సీఎస్‌కే) బౌలర్ అన్షుల్ కంబోజ్‌ను జట్టులోకి తీసుకున్నారు. ఈ విషయాన్ని బీసీసీఐ గురువారం ఓ ప్రకటనలో వెల్లడించింది.

IND vs WI: 148 ఏళ్ల క్రికెట్ చరిత్రలోనే ఇదే తొలిసారి..!

వెస్టిండీస్‌తో బుధవారం జరిగిన రెండో వన్డేలో ప్రసిధ్ కృష్ణకు ఎడమ తొడ కండరాల గాయమైంది. దాంతో అతను ఈ మ్యాచ్‌లో ఐదు ఓవర్లు మాత్రమే బౌలింగ్ చేశాడు. గాయం తీవ్రత ఎక్కువగా ఉండటంతో మూడో వన్డేకు పూర్తిగా దూరమయ్యాడు. దాంతో భారత పురుషుల సెలెక్షన్ కమిటీ అన్షుల్ కంబోజ్‌ను అతని స్థానంలో ఎంపిక చేసింది. న్యూ ఛండీఘర్‌లో కంబోజ్ జట్టుతో కలుస్తాడని బీసీసీఐ ప్రకటనలో పేర్కొంది.

వెస్టిండీస్‌తో టీ20 సిరీస్‌ ఆడే భారత జట్టులోనూ ఒక మార్పు జరిగింది. వాషింగ్టన్ సుందర్‌ను జట్టు నుంచి తప్పించి విప్రజ్ నిగమ్‌కు అవకాశం కల్పించింది. న్యూజిలాండ్ పర్యటనలోని టెస్ట్ సిరీస్‌ నేపథ్యంలో ఈ నిర్ణయం తీసుకున్నట్లు బీసీసీఐ వెల్లడించింది.

ఈ టెస్ట్ సిరీస్‌కు ముందు అక్టోబర్ 11 నుంచి మొదలయ్యే రంజీ ట్రోఫీ ఆడితే వాషింగ్టన్ సుందర్‌కు రెడ్ బాల్ ప్రాక్టీస్ లభిస్తుందని ఈ మార్పు చేసింది. మూడు వన్డేల సిరీస్‌ను భారత్ ఇప్పటికే 2-0తో గెలుచుకుంది. ఆఖరి వన్డే శనివారం న్యూఛండీగర్ వేదికగా జరగనుంది.

Also Read

గోల్డ్ మెడల్ ప్రపంచకప్ కంటే గొప్పది.. తిండికి డోకా లేదు: అక్షర్ పటేల్

వెస్టిండీస్‌తో మూడో వన్డేకు భారత జట్టు(అప్‌డేటెడ్): శుభ్‌మన్ గిల్, రోహిత్ శర్మ, విరాట్ కోహ్లీ, రుతురాజ్ గైక్వాడ్, కేఎల్ రాహుల్, ధ్రువ్ జురెల్, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, గుర్నూర్ బ్రార్, మహమ్మద్ సిరాజ్, ఆకిబ్ నబీ, యశస్వి జైస్వాల్, నమన్ ధీర్, అన్షుల్ కాంబోజ్.

వెస్టిండీస్‌తో టీ20 సిరీస్‌కు భారత జట్టు(అప్‌డేటెడ్): శ్రేయస్ అయ్యర్, అభిషేక్ శర్మ, వైభవ్ సూర్యవంశీ, ఇషాన్ కిషన్, సంజూ శాంసన్, తిలక్ వర్మ, శివమ్ దూబే, కుల్దీప్ యాదవ్, అక్షర్ పటేల్, రవి బిష్ణోయ్, నితీష్ కుమార్ రెడ్డి, అర్ష్‌దీప్ సింగ్, ప్రిన్స్ యాదవ్, మయాంక్ యాదవ్, నమన్ ధీర్.